ឆ្លងចរន្តអគ្គិសនី ឆេះផ្ទះប្រជាពលរដ្ឋ៣ខ្នង
ភ្នំពេញ÷ឆ្លងចរន្តអគ្គិសនីបណ្តាលឲ្យផ្ទុះឆាបឆេះផ្ទះប្រជាពលរដ្ឋអស់ចំនួន៣ខ្នង បង្កឲ្យភ្ជាក់ផ្អើលដល់សមត្ថកិច្ច និងខាងអន្តរាគមន៍ពន្លត់អគ្គិភ័យ។ ហេតុការណ៍នេះដែរកើតឡើងនៅវេលាម៉ោង ៦ និង ៣០ នាទីល្ងាចថ្ងៃសៅរ៍ ទី២២ ខែសីហា ឆ្នាំ២០២០ នៅតាមបណ្តោយផ្លូវ ៣៩០ សង្កាត់បឹងងកេងកងទី៣ ខណ្ឌបឹងកេងកង រាជធានីភ្នំពេញ។
បើយោងតាមការរៀបរាប់ពីម្ចាស់ផ្ទះបានឲ្យដឹងថា មុនពេលកើតហេតុគាត់បានឮសូរផ្ទុះពីផ្ទះម្ខាងទៀត នៅខាងក្រោយផ្ទះគាត់ រួចគាត់បានរត់ចេញមកខាងក្រៅមើលទៅឃើញអណ្តាតភ្លើងឡើងសន្ធោសន្ធៅ ហើយភ្លាមៗនុះដែរ ខាងកម្លាំងសមត្ថកិច្ចបានទាក់ទងទៅខាងអន្តរាគមន៍ពន្លត់អគ្គិភ័យ ចុះមកជួយបាញ់ពន្លត់ភ្លាមៗ។
សូមបញ្ជាក់ថា ករណីអគ្គិភ័យខាងលើមិនមានមនុស្សរងរបួស និងស្លាប់នោះទេ គ្រាន់តែរងការខូចខាតសម្ភារទាំងស្រុងនិង ផ្ទះអស់ចំនួន ៣ ខ្នង ហើយប្រតិបត្តិការនេះសមត្ថកិច្ចបានប្រើប្រាស់ រថយន្តពន្លត់អគ្គិភ័យអស់ចំនួន ១៧ គ្រឿង។
បើតាមការបញ្ជាក់ពីខាងម្ចាស់ផ្ទះថា ករណីអគ្គិភ័យបណ្តាលមកពីឆ្លងចរន្តអគ្គិសនីផ្ទុះទូទឹកកក។
អធិការដ្ឋាននគរបាលខណ្ឌបឹងកេងកង បានឲ្យដឹងថា នៅព្រលប់ព្រលប់ថ្ងៃទី22 ខែសីហា ឆ្នាំ2020 មានអគ្គិភ័យបានឆេះផ្ទះប្រជាពលរដ្ឋ នៅតាមបណ្តាយផ្លូវ390 កែងផ្លូវ 105 ក្នុងសង្កាត់បឹងកេងកងទី៣ ខណ្ឌបឹងកេងកង ។
ឡានទឹកបានចេញអន្តរាគមន៍ជួយបាញ់ពន្លត់ ត្រឹម៉ោង7និង22 នាទីអគ្គិភ័យដែលឆេះផ្ទះ បានរលត់ទាំងស្រុងហើយ៕
