ស្លាប់០៣នាក់ និងរងរបួសធ្ងន់ចំនួន០២នាក់ ក្នុងហេតុការណ៍គ្រោះថ្នាក់រថយន្ត ឡង់គ្រីស័រក្រឡាប់
កោះកុង៖ ហេតុការណ៍គ្រោះថ្នាក់ចរាចរណ៏មួយដ៏រន្ធត់ ដែលបណ្តាលមកពីការបើកបរក្នុងល្បឿនលឿនហួសកំនត់ បានបណ្តាលឱ្យរថយន្ត ឡង់គ្រីស័រ មួយគ្រឿងពណ៌ខ្មៅ ពាក់ស្លាកលេខភ្នំពេញ2A-9754 ក្រឡាប់ដោយខ្លួនឯងជាច្រើនត្រឡប់បង្កឱ្យមានមនុស្សស្លាប់ចំនួន០៣នាក់ (ស្រី) និងរងរបួសធ្ងន់ចំនួន០២នាក់ រងរបួសស្រាលក្មេងស្រីម្នាក់ ត្រូវបានរថយន្តសង្គ្រោះដឹកយកទៅសង្គ្រោះអាយុជីវិតភ្លាមៗផងដែរ។
គ្រោះថ្នាក់ដ៏រន្ធត់នេះកើតឡើងនៅតាមបណ្តោយវិថី សាយភូថង ស្ថិតនៅក្នុង ភូមិជីត្រេះ ឃុំអណ្តូងទឹក ស្រុកបុទុមសាគរ ខេត្តកោះកុង នារសៀលថ្ងៃទី ២៤ ខែសីហា ឆ្នាំ២០២០ នេះតែម្តង។
មូលហេតុនៃគ្រោះថ្នាក់នេះគឺបណ្តាលមកពីការបើកបរក្នុងល្បឿនលឿនហួសកំណត់៕
