លោកវរសេនីយ៍ឯក នាង វុធ  អធិការនគរបាលស្រុកបាកានបានឲ្យដឹងថា ក្នុងកិច្ចប្រតិបត្តិការនេះសមត្ថកិច្ចនគរបាលបានបង្រ្កាបនិងឃាត់ខ្លួនបាន០១នាក់ឈ្មោះឡម តួ ភេទប្រុស អាយុ២២ឆ្នាំ រស់នៅតាមុំ ឃុំមេទឹក ស្រុកបាកាន  ដោយដកហូតបានដាវកែច្នៃ០១ដើម។ រីឯមនុស្ស០៧នាក់ទៀតបានរត់គេចខ្លួនអស់ ដោយឡែកក្នុងនោះមាន០៥នាក់ ត្រូវបានគេស្គាល់អត្តសញ្ញាណ៖​ ១-ឈ្មោះ អា ខ្នុយ រស់នៅភូមិតាមុំ ឃុំមេទឹក ស្រុកបាកាន​ ២-ឈ្មោះ អា វឹន រស់នៅភូមិតាមុំឃុំមេទឹក ស្រុកបាកាន​ ៣-ឈ្មោះ អា តុង រស់នៅភូមិតាមុំ ឃុំមេទឹក ស្រុកបាកាន​ ៤-ឈ្មោះ អា នឹត រស់នៅភូមិកោះខ្សាច់ ស្រុកបាកាន​ ៥-ឈ្មោះ អា ប៉ុយ រស់នៅភូមិថ្មីឃុំត្រពាំងជង ស្រុកបាកាន និង០២នាក់ទៀតពុំស្គាល់ឈ្មោះ។ លោកអធិការបានបន្តថា ចំពោះមនុស្សនិងវត្ថុតាងត្រូវបានគេបញ្ជូនមកអធិការដ្ឋាននគរបាលស្រុកបាកានដើម្បីចាត់ការតាមនីតិវិធី៕