លោក Wang Yi សង្កត់ធ្ងន់ទៅលើការទទួលខុសត្រូវ រួមគ្នារវាងអាស៊ាន ចិន ជប៉ុន និងកូរ៉េខាងត្បូង

សមាជិកក្រុមប្រឹក្សារដ្ឋចិន និងរដ្ឋមន្ត្រីការបរទេស លោកវ៉ាង យី បាននិយាយនៅក្នុងសាំងហ្គាពួរថា “ជាមួយនឹងការបង្កើនការ ការពារពាណិជ្ជកម្ម កិច្ចសហប្រតិបត្តិការអាស៊ានបូកបី មានភាពរឹងមាំយ៉ាងខ្លាំង ដែលបង្ហាញពីបំណងប្រាថ្នា និងការប្តេជ្ញាចិត្តរបស់បណ្តាប្រទេស ក្នុងតំបន់ ដើម្បីលើកកម្ពស់សេរីភាវូបនីយកម្មពាណិជ្ជកម្ម និងគាំទ្រនយោបាយពហុភាគី” ។

“នេះគឺជាការទទួលខុសត្រូវរួមរបស់យើង និងអ្វីដែលសហគមន៍អន្តរជាតិ រំពឹងពីយើង” ។ លោកបានអំពាវនាវ ឱ្យមានកិច្ចសហប្រតិបត្តិការ រវាងអាស៊ាន និងដៃគូសន្ទនា 3 របស់ខ្លួន នៅអាស៊ីបូព៌ា ដើម្បីពង្រឹងការគោរព ចំពោះការការពារនិយម”។

លោកវ៉ាង បានធ្វើការកត់សម្គាល់ នៅពេលចូលរួមកិច្ចប្រជុំរដ្ឋមន្ត្រីការបរទេសអាស៊ានបូកបី ជាមួយរដ្ឋមន្ត្រីការបរទេស នៃសមាគមប្រជាជាតិអាស៊ីអាគ្នេយ៍ (អាស៊ាន) ជប៉ុននិងកូរ៉េខាងត្បូង។

ប្រទេសចិន ជប៉ុន និងកូរ៉េខាងត្បូង គឺជាដៃគូសន្ទនាអាស៊ាន ដែលបង្កើតយន្តការអាស៊ានបូកបី។ ពួករដ្ឋមន្រ្តីបានបញ្ជាក់ជាថ្មី អំពីតួនាទីដ៏សំខាន់របស់ខ្លួន នៅក្នុងសន្តិភាពសន្តិសុខ និងភាពរុងរឿង នៅក្នុងអាស៊ីបូព៌ា ដែលត្រូវបានដឹកនាំដោយសេចក្តីថ្លែងការណ៍ ទីក្រុងម៉ានីល ដែលពួកគេបានចុះហត្ថលេខាកាលពីឆ្នាំមុន។

ដោយនិយាយអំពីកិច្ចសហប្រតិបត្តិការអាស៊ានបូកបី នាពេលអនាគតលោក Wang បានស្នើថា បណ្តាប្រទេសដែលពាក់ព័ន្ធ គួរតែលើកកម្ពស់ការធ្វើសមាហរណកម្មសេដ្ឋកិច្ច ក្នុងតំបន់និងកសាងសហគមន៍សេដ្ឋកិច្ច អាស៊ីបូព៌ា ដោយសម្តែងនូវក្តីសង្ឃឹមថា ការរីកចម្រើនជាក់ស្តែង អាចត្រូវបានធ្វើឡើង នៅក្នុងការចរចា ស្តីពីភាពជាដៃគូសេដ្ឋកិច្ចទូលំទូលាយថ្នាក់តំបន់ (RCEP) នៃ​ឆ្នាំ​នេះ។

រដ្ឋមន្ត្រីការបរទេស នៃប្រទេសជប៉ុន កូរ៉េខាងត្បូង និងបណ្តាប្រទេសអាស៊ាន បានឯកភាពថា កិច្ចសហប្រតិបត្តិការអាស៊ានបូក 3 គឺសំខាន់ជាងពេលណាទាំងអស់ នៅក្នុងបរិបទ នៃការការពារនិយមឯកតោភាគី ហើយបានអំពាវនាវ ឱ្យមានសាមគ្គីភាព ក្នុងចំណោមបណ្តាប្រទេសចំនួន 13 ។