កូនប្រុសទំនើង យកឈើជ្រុង វាយទៅលើឪពុកបង្កើតរបស់ខ្លួន បណ្ដាលឲ្យរយះក្បាលហូរឈាមស្រោចខ្លួន
ឧត្តរមានជ័យ៖ ស្នងការនគរបាលខេត្តឧត្តរមានជ័យ បានឲ្យដឹងថា នគរបាលបានឃាត់ខ្លួន ជនសង្ស័យម្នាក់ជាកូន ដែលបានយកឈើជ្រុងវាយទៅលើឪពុកបង្កើតរបស់ខ្លួន បណ្ដាលឲ្យរយះក្បាលហូរឈាមស្រោចខ្លួន ដោយមូលហេតុ ខឹងនឹងឱពុកមិនធ្វើម្ហូប ។
នៅវេលាម៉ោង ៧និង៤០ នាទី ថ្ងៃទី ២៧ ខែ តុលា ឆ្នាំ២០២០ ដោយមានការចង្អុលបង្ហាញ និងណែនាំពីលោកឧត្តមសេនីយ៍ ស្នងការនគរបាលខេត្តឧត្តរមានជ័យ សមត្ថកិច្ចស្រុកបន្ទាយអំពិល បានធ្វើការបង្ក្រាបករណីហិង្សាដោយចេតនា មានស្ថានទំម្ងន់ទោស ប្រព្រឹត្តកាលវេលាម៉ោង ១៩និង០០ នាទី ថ្ងៃទី ២៦ ខែ តុលា ឆ្នាំ ២០២០ នៅភូមិគោកកី ឃុំបេង ស្រុកបន្ទាយអំពិល បង្កឡើងដោយជនសង្ស័យឈ្មោះ ធៀន ផល ភេទប្រុស អាយុ ៣៣ ឆ្នាំ បានយកដំបងឈើប្រវែង ៧១សង់ទីម៉ែត្រ វាយទៅលើជនរងគ្រោះ ឈ្មោះ ដុក ធៀន ភេទប្រុស អាយុ៦៨ឆ្នាំ រស់នៅភូមិកើតហេតុខាងលើ ត្រូវជាឱពុកបង្កើត បណ្តាលឲ្យរងរបួស ចិញ្ចើម ចំនួន ៣ កន្លែង។ មូលហេតុ ខឹងនិងឱពុកមិនធ្វើម្ហូប ។
លោកស្នងការនគរបាលខេត្ត បានចាត់ឲ្យលោកអធិការស្រុក នាំជនរងគ្រោះទៅមន្ទីរពេទ្យ និងបានប្រគល់ថវិកាមួយចំនួន ដល់ជនរងគ្រោះផងដែរ។
ដោយឡែកជនដៃដល់ ត្រូវសមត្ថកិច្ចជំនាញ បានធ្វើការឃាត់ខ្លួនជនសង្ស័យខាងលើ មកអធិការដ្ឋាន ដើម្បីកសាងសំណុំរឿងបញ្ជូនទៅសាលាដំបូងខេត្តចាត់ការតាមច្បាប់ ៕
