ជិះម៉ូតូបុកឡានស្លាប់ នៅកៀនស្វាយ
កណ្ដាល៖លោកព្រុំ សំណាង អធិការប៉ូលិសស្រុកកៀនស្វាយបានអោយដឹងថា ករណីគ្រោះថ្នាក់ចរាចរណ៍ផ្លូវ គោក រវាងម៉ូតូ នឹងរថយន្ត បណ្តាលអោយស្លាប់ម្នាក់និងខូចខាតម៉ូតូ ០១គ្រឿង។
លោកអធិការបន្តទៀតថា ករណីគ្រោះថ្នាក់ចរាចរណ៍នេះកើតឡើងកាលពីថ្ងៃទី២៩ខែតុលាឆ្នាំ២០២០
ម៉ោង២៣និង៥៥នាទីនៅលើផ្លូវជាតិលេខ១ ចន្លោះKM៣០-៣១ ចំណុចភូមិ កណ្តាលលើ ឃុំបន្ទាយដែក ស្រុកកៀនស្វាយខេត្តកណ្តាល។
លោកអធិការបន្តទៀតថា នៅថ្ងៃខែឆ្នាំវេលាម៉ោងកើតហេតុខាងលើ មានម៉ូតូ ០១គ្រឿង ម៉ាក់HONDA MSX C125 សេរី២០0៦ ពណ៌ខ្មៅ ស ពាក់ផ្លាកលេខភ្នំពេញ1cy7877 បើកបរដោយ ឈ្មោះ ស្រូយ រ៉ាស៊ី ភេទប្រុស អាយុ ២១ ឆ្នាំជនជាតិខ្មែរ (ស្លាប់) មានទីលំនៅភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល ដែលបើកមានទិសដៅពីភ្នំពេញ អក្នលឿង ពេលបើកមកដល់កន្លែងកើតហេតុខាងលើបាន បុកជាមួយរថយន្ត០១គ្រឿងម៉ាក់ FUSO ពណ៌ខៀវ ប្រភេទបែន ពាក់ផ្លាកលេខភ្នំពេញ 3D 2772 ដែលខូចចតទុកចោល បណ្តាលអោយស្លាប់នៅកន្លែងកើតហេតុ១នាក់ ភេទប្រុស ត្រូវបានសាច់ញាតិយកសពទៅធ្វើបុណ្យតាមប្រពៃណី ចំណែកម៉ូតូ០១គ្រឿង និងរថយន្តបានកម្លាំប៉ុស្តិ៍នគរបាលបន្ទាយដែក យកមករក្សាទុកនៅកន្លែងកើហេតុរង់ចាំ ជំនាញចរាចរណ៍សណ្តាប់ធ្នាប់ស្រុកកៀនស្វាយ ធ្វើការវាស់វែងនឹងយកទៅរក្សាទុកជាភស្តុតាង តាមនីតិវិធី។
តាមការសន្និដ្ឋានពីផ្នែកជំនាញករណីនេះ បណ្តាលមកពីអ្នកបើកបរម៉ូតូឈ្មោះ ស្រ៊ូយ រ៉ាស៊ី បើកបរ ធ្វេសប្រហែសមិនប្រុងប្រយ័ត្ន មិនបានពិនិត្យស្ថានភាពផ្លូវខាងមុខមានឧបសគ្គ៕
