បន្លំលួចម៉ូតូ ដោយជនសង្ស័យធ្វើជាសុំខ្ចីម៉ូតូជិះ ហើយជិះរត់គេចខ្លួន ប៉ុន្តែត្រូវបាននគរបាលតាមបង្ក្រាបបាន
ខេត្តព្រះសីហនុ៖ សមត្ថកិច្ចឲ្យដឹងថា កាលពីរសៀល ថ្ងៃទី៣ ខែវិច្ឆកា ឆ្នាំ២០២០ នៅចំណុចព្រែកត្របែក ក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ មានករណីបន្លំលួចម៉ូតូ ដោយជនសង្សយ័ធ្វើជាសុំខ្ចីម៉ូតូជិះ ហើយក៏ជិះរត់គេចខ្លួនប៉ុន្តែត្រូវបាននគរបាលតាមបង្ក្រាបបាន។
ជនសង្ស័យឈ្មោះ សំ ម៉ៅ ភេទប្រុស អាយុ៣៤ឆ្នាំ មុខរបរកម្មករសំណង់ ទីលំនៅភូមិត្រាំសសរ ឃុំត្រាំសសរ ស្រុកត្រាំកក់ ខេត្តតាកែវ បានបន្លំខ្ចីម៉ូតូ០១គ្រឿងម៉ាកស្កូបពីពណ៍ស ពាក់ស្លាកលេខព្រះសីហនុ1L-8816 របស់ ឈ្មោះជន ស្រីអូន ភេទស្រី អាយុ១៩ឆ្នាំ មុខរបរសិស្ស ហើយក៏ជិះរត់គេចខ្លួនតាមបណ្តោយផ្លូវជាតិលេខ៤ ដល់ចំណុចភូមិត្រពាំងមូល ឃុំជើងគោ ស្រុកព្រៃនប់ ខេត្តព្រះសីហនុ ទើបកម្លាំងនគរបាលស្ទាក់ឃាត់ខ្លួនជនសង្ស័យបានរួមទាំងវត្ថុតាង៕
