ឆ្នាំ២០២១ការាតេ នឹងរៀបចំព្រឹត្តិការណ៍ប្រកួត ជាលក្ខណៈអន្តរជាតិឲ្យបានច្រើន
ភ្នំពេញ៖ប្រសិនបើស្ថានភាពនៃជម្ងឺកូវីដ១៩មានការថមថយទៅវិញនោះចាឆប់ពីឆ្នាំ២០២១តទៅសហព័ន្ធកីឡាការ៉ាតេដូកម្ពុជានឹងរៀបចំព្រឹត្តិការណ៍ប្រកួតជាលក្ខណៈអន្តរជាតិនៅក្នុងស្រុកឲ្យបានច្រើនដើម្បីត្រៀមខ្លួនឱ្យបានល្អក្នុងការធ្វើជាម្ចាស់ផ្ទះកីឡាស៊ីហ្គេមនៅឆ្នាំ
២០២៣ ។
លោកវ៉ាត់ ចំរើនអគ្គលេខាធិការគណៈកម្មាធិការជាតិអូឡាំពិកកម្ពុជា អគ្គលេខាធិការ
គណៈកម្មាធិការជាតិរៀបចំស៊ីហ្គេមឆ្នាំ២០២៣ និង ជាអគ្គលេខាធិការសហព័ន្ធកាតេដូកម្ពុជា
បានបញ្ជាក់ថាក្រសួងអប់រំយុវជននិងកីឡាបានផ្ដល់ភ្លើងពណ៌ខៀវស្ដីពីការអនុញ្ញាតឲ្យរៀបចំនូវព្រឹត្តិការណ៍អន្តរជាតិនានា ។
នៅសល់តែជាង២ឆ្នាំទៀតប៉ុណ្ណោះកម្ពុជាដល់វេនធ្វើជាម្ចាស់ផ្ទះស៊ីហ្គេមហើយ ។ការ
រៀបចំព្រឹត្តិការណ៍ប្រកួតជាលក្ខណៈអន្តរជាតិោគឺដើម្បីឲ្យកីឡាករ កីឡាការិនីកម្ពុជាមានបទពិ
សោធន៍កាន់តែច្រើននៅក្នុងការប្រកួតជាលក្ខណៈអន្តរជាតិ ។មិនតែប៉ុណ្ណោះនេះក៏ជាការ
បន្ស៊ាំដល់មន្ត្រីបច្ចេកទេស និងគ្រូបង្វឹកកម្ពុជាទៀតផង ។
ការរៀបចំនូវព្រឹត្តិការណ៍អន្តរជាតិនេះគឺអាចរៀបចំជាការប្រកួតក្នុងលក្ខណៈតំបន់ ឬ
ជាលក្ខណៈបើកទូលាយ(Open)ដើម្បីធ្វើយ៉ាងណាឲ្យនៅកម្ពុជាមានការប្រកួតច្រើន។បើមាន
ព្រឹត្តិការណ៍ប្រកួតកាន់តែច្រើននោះគណៈកម្មការបច្ចេកទេស និង អ្នកជំនាញការាតេដូកម្ពុជា
នឹងខិតខំដុតដៃដុតជើង ឯ កីឡាករ កីឡាការិនីកម្ពុជាក៏កាន់ខិតខំហ្វឹកហាត់កាន់តែខ្លាំងដើម្បី
សម្រួចសមត្ថភាពរបស់ខ្លួនសម្រាប់ឆ្នាំ២០២៣ ។
លោកវ៉ាត់ចំរើនបន្តថាសហព័ន្ធបាននាំយកគ្រូបង្វឹកអន្ដរជាតិដែលមានគុណវុឌ្ឍន៍ខ្ពស់ចំនួន ២រូប ដើម្បពង្រឹងចំណុចខ្វះខាត និងអភិវឌ្ឍសមត្ថភាពកីឡាករ-កីឡាការិនី ឆ្ពោះទៅដណ្ដើមមេដាយលើឆាកអន្ដរជាតិ ពិសេសដំណើរឆ្ពោះទៅស៊ីហ្គេម ឆ្នាំ២០២៣ នៅកម្ពុជា។
គ្រូបង្វឹកបរទេសទាំងពីរ ពិតជាមានឆន្ទៈខ្ពស់ចង់ជួយឲ្យកីឡាករ-កីឡាការិនីកម្ពុជា ដណ្ដើមបានមេដាយក្នុងការប្រកួតលើឆាកអន្ដរជាតិ ពិសេសការប្រកួតកីឡាស៊ីហ្គេម ឆ្នាំ២០២៣ ខាងមុខ។ ប៉ុន្ដែគ្រូល្អ ខ្លាំងពូកែយ៉ាងណាក៏ដោយ បើកីឡាករ-កីឡាការិនី គ្មានទេពកោសល្យ គ្មានឆន្ទៈមោះមុត ស្មារតីរឹងមាំ ជាអ្នកប្រយុទ្ធពិតប្រាកដ ក៏មិនអាចឈ្នះគេបានដែរ។
ជាមួយគ្នានេះផងដែរក្រសួងអប់រំយុវជននិងកីឡាបានអនុញ្ញាតឲ្យសហព័ន្ធកីឡាការ៉ាតេកម្ពុជា រៀបចំធ្វើម្ចាស់ផ្ទះ ការប្រកួតជ្រើសរើសជើងឯកការ៉ាតេអាស៊ីអាគ្នេយ៍ ឆ្នាំ២០២១ ដែលទាំងអស់គ្នា ត្រូវតែត្រៀមខ្លួន ចូលរួមនៅក្នុងព្រឹត្តិការណ៍នេះ ឲ្យទទួលបានជោគជ័យ ហើយនៅឆ្នាំ២០២២ នឹងត្រៀមការប្រកួតមុនស៊ីហ្គេម ដែលគេហៅថា Pre-SEA Games៕
