ក្រសួងអប់រំ ពន្យារពេល នៃការប្រឡងបាក់ឌុប

ភ្នំពេញ៖ ដោយសារស្ថានភាពមិនទាន់ច្បាស់លាស់ នៃផលប៉ះពាល់របស់ ព្រឹត្តិការណ៍សហគមន៍ ២៨ វិច្ឆិកា និងតាមអនុសាសន៍ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្រសួងអប់រំ យុវជន និងកីឡា សម្រេចពន្យារពេលនៃការប្រឡងសញ្ញាបត្រមធ្យមសិក្សា ទុតិយភូមិ ឆ្នាំសិក្សា ២០១៩-២០២០ ដែលគ្រោងរៀបចំនៅថ្ងៃទី២១ និងទី២២ ខែធ្នូ ឆ្នាំ២០២០ ទៅពាក់កណ្តាល ខែមករា ឆ្នាំ២០២១ វិញ។

កាលបរិច្ឆេទច្បាស់លាស់នៃការប្រឡង ក្រសួងនឹងជូនដំណឹងនៅពេលក្រោយ៕