បាត់ខ្លួន២ថ្ងៃ រកឃើញស្លាប់ដោយលង់ទឹក
ខេត្តប៉ៃលិន៖ប្រជាពលរដ្ឋបានប្រទះឃើញសាកសពអណ្ដែតទឹកចំនួន ១នាក់ នៅចំណុចជិតគល់ស្ពានតារស់ ស្ថិតក្នុងភូមិបរតាំងស៊ូ សង្កាត់បរយ៉ាខា ក្រុងប៉ៃលិន ខេត្តប៉ៃលិន កាលពីវេលាម៉ោង ១៧:៥០នាទី ថ្ងៃទី៩ ខែសីហា ឆ្នាំ២០១៨ ។
ជនរងគ្រោះមានឈ្មោះ ខាន់ សុខុន ភេទប្រុស អាយុ ៦៤ឆ្នាំ មានជំងឺសរសៃប្រសាទ ដែលបានបាត់ខ្លួនកាលពីវេលាម៉ោង ១៨:១៥នាទី ថ្ងៃទី៧ ខែសីហា ឆ្នាំ២០១៨ នៅចំណុចខាងក្រោយទឹកស្អាត ស្ថិតក្នុងភូមិបរហ៊ុយត្បូង សង្កាត់បរយ៉ាខា ក្រុងប៉ៃលិន ខេត្តប៉ៃលិន ។ ក្នុងហេតុការណ៍នេះប្រជាពលរដ្ឋបានសហការជាមួយប្រជាការពារភូមិ ចុះស្រង់សពជនរងគ្រោះ មកដាក់លើគោក។
បើតាមសមត្ថកិច្ចជំនាញនាញ នៃស្នងការដ្ឋាននគរបាលខេត្តប៉ៃលិន ធ្វើកោសល្យវិច័យបានឱ្យដឹងថា ជនរងគ្រោះពិតជាបានស្លាប់ដោយសារលង់ទឹកពិតប្រាកដមែន។ បច្ចុប្បន្នសពជនរងគ្រោះត្រូវបានក្រុមគ្រួសារ យកទៅធ្វើបុណ្យតាមប្រពៃណី៕
