រដ្ឋបាលខណ្ឌបឹងកេងកង និងក្រុមការងារ ចុះជួយខណ្ឌយកអំណោយ ជូនដល់ជនចាស់ជរា.អ្នកមានជម្ងឺដល់លំនៅស្ថាន
ភ្នំពេញ៖កាលពីព្រឹកថ្ងៃទី០៦ខែមករាឆ្នាំ២០២១នេះរដ្ឋបាលខណ្ឌបឹងកេងកង នៃរាជធានីភ្នំពេញលោកជំទាវ គឹម សុវណ្ណា សមាជិការដ្ឋសភា និងជាអនុប្រធានក្រុមការងារថ្នាក់ជាតិចុះជួយមូលដ្ឋានខណ្ឌបឹងកេងកង លោកស្រី ស៊ុយ សែនសករាជ ភរិយាលោកអភិបាល បឹងកេងកងធឹម សំអាននិងជាប្រធានអនុសាខាសមាគមនារីខណ្ឌបឹងកេងកង លោកស្រី ស៉ិន រតនា អភិបាលរងខណ្ឌ បឹងកេងកងនិងជាអនុប្រធានអនុសាខាសមាគមនារីខណ្ឌ លោក ពា ហន ចៅសង្កាត់អូឡាំពិក ដោយបានដឹកនាំមន្ត្រីក្រោមឱវាទអញ្ជើញ ចុះសួរសុខទុក្ខ និងនាំយកនូវអំណោយមួយចំនួនទៅផ្ដល់ជូនដល់ដៃលោកស្រី មុំ ហ៊ត និងលោកយន់ សាមឿន ដែលជាជនចាស់ជរា និងមានជំងឺប្រចាំកាយ ដល់លំនៅស្ថានពួកគាត់ទាំងពីរនៅក្នុងមូលដ្ឋានសង្កាត់អូឡាំពិក ខណ្ឌបឹងកេងកងរាជធានីភ្នំពេញ។
លោកស្រីសុិន រតនា អភិបាលរងខណ្ឌបឹងកេងកងបានអោយដឹងថាចំពោះអំណោយដែលយកមកផ្ដល់នាពេលនេះដោយក្នុងមួយគ្រួសារៗទទួលបាន៖ថវិកា ១៥០,០០០៛ (ដប់ប្រាំម៉ឺនរៀល),អង្ករ ៣០គីឡូក្រាម,មី ១កេសទឹកផ្លែឈើ ១កេស,ទឹកសុទ្ធ ១កេស,ទឹកត្រី ១យួរ,ម៉ាស់ ១ដុំ,ជែល ១ដបផងដែរ។
ខណៈពេលចុះសាកសួរសុខទុក្ខជនចាស់ជរានិងអ្នកជម្ងឺប្រចាំកាយទាំង២រូបខាងលើដល់លំនៅស្ថាននាឱកាសនោះក្រុមការងារចុះជួយមូលដ្ឋានខណ្ឌបឹងកេងកង និង រដ្ឋបាលខណ្ឌបឹងកេងកងបានមានមតិលើកឡើងដោយសង្កត់ធ្ងន់ថាជានិច្ចកាលរដ្ឋបាលខណ្ឌបឹងកេងកងដែលមានលោកធឹម សំអាន ជាអភិបាលខណ្ឌ និង ក្រុមការងារចុះជួយមូលដ្ឋានខណ្ឌបឹងកេងកងដោយជានិច្ចកាលតែងតែចុះសាកសួរសុខទុក្ខនិងយកអំណោយផ្ដល់ជូនដល់បងប្អូនប្រជាជនដែលរស់នៅក្នុងមូលដ្ឋានខណ្ឌបឹងកេងកងដែលមាន០៧សង្កាត់នៅពេលពួកគាត់មានជម្ងឺឬមានទុក្ខលំបាកពិសេសជនចាស់ជរាគ្មានទីពឹងដើម្បីជាការលើកទឹកចិត្តដល់ពួកគាត់ដោយមិនទុកអោយគាត់រស់នៅដោយភាពឯកកោឡើយ។តួយ៉ាងដូចជានៅថ្ងៃនេះជាដើម។ហើយរាល់សកម្មភាពការងារសង្គមពិសេសការងារមនុស្សធម៌នេះហើយម្យ៉ាងទៀតក្នុងនាមអាជ្ញាធរមូលដ្ឋានដោយមិនអាចមើលរំលងឡើយហើយសកម្មភាពនេះគឺជាការគិតគូពីសំណាក់ថ្នាក់ដឹកនាំខណ្ឌ និង ក្រុមការងារដែលតែងតែចុះធ្វើជាប្រចាំផងដែរ៕
