ទិវារត់ប្រណាំងអន្តរជាតិ ពាក់កណ្តាលម៉ារ៉ាតុង នៅអង្គរវត្ត នៅខេត្តសៀមរាប មិនអនុញ្ញាតបរទេសមកពីក្រៅប្រទេសចូលរួម ឡើយ
ភ្នំពេញ៖ទិវារត់ប្រណាំងអន្តរជាតិពាក់កណ្តាលម៉ារ៉ាតុងនៅអង្គរវត្ត ដែលគ្រោងរៀបចំការប្រកួតថ្ងៃទី០៦ខែធ្នូឆ្នាំ២០២០នៅខេត្តសៀមរាបនាពេលគណៈកម្មការរៀបចំការប្រកួតបានប្រកាសជាផ្លូវការរៀបចំឡើងវិញនឹងប្រព្រឹត្តិនៅចុងខែមករាឆ្នាំ២០២១បន្ទាប់ពីពន្យារដោយសារតែព្រឹត្តិការណ៍សហគម២៨ វិច្ឆិកាត្រូវបានបញ្ចប់ជាស្ថាពរ។
ឯកឧត្តមវ៉ាត់ចំរើនអគ្គលេខាធិការគណៈកម្មាធិការជាតិអូឡាំពិកកម្ពុជាបានមានប្រសាសន៍ថាគណៈកម្មការរៀបចំការប្រកួតគ្រោងបើកការប្រកួតទិវារត់ប្រណាំងអន្តរជាតិពាក់កណ្តាលម៉ារ៉ាតុងអង្គរវត្តលើកទី២៥នៅខេត្តសៀមរាបនៅថ្ងៃទី២៤ ខែមករា ឆ្នាំ២០២១។ សម្រាប់ទិវារត់នេះយើងមិនអនុញ្ញាតឲ្យបរទេសដែលរស់នៅក្រៅប្រទេសចូលរួមឡើយដោយអនុញ្ញាតឲ្យជនបរទេសរស់នៅក្នុងប្រទេសតែប៉ុណ្ណោះ។
លោកបានបន្តថាចំពោះជនបរទេសក្នុងប្រទេសរួមមានសមាជិកទូតនិងអង្គការនានាព្រមទាំងប្រជាជនកម្ពុជាយើង។គម្រោងនៃការប្រកួតនេះអាចមានការប្រែប្រួលប្រសិនបើជម្ងឺកូវីដ ១៩ផ្ទុះឡើងវិញនោះតែអ្វីៗយើងធ្វើដោយគោរពតាមការណែនាំរបស់រដ្ឋាភិបាល និងក្រសួង សុខាភិបាល ចំណែកអ្នកចូលរួមយើង មិនអាចកំណត់ចំនួនបានឡើយ ដូច្នេះគណៈកម្មការរងចាំំការ សម្រេចចិត្តរបស់ក្រសួង សុខាភិបាលជាអ្នកកំណត់ ដើម្បីប្រយុទ្ធប្រឆាំង មេរោគឆ្លង COVID-19 ៕
