ទិញថ្នាំញៀនពីស្រុកស្អាង មកលក់នៅកៀនស្វាយ ជាប់អន្ទាក់ប៉ូលិស
កណ្ដាល៖លោកព្រុំ សំណាង អធិការប៉ូលិសស្រុកកៀនស្វាយបានអោយដឹងនៅព្រឹកថ្ងៃទី១១ខែមករានេះថា ករណីជួញដូរដោយខុសច្បាប់នូវសារធាតុញៀន(ម៉ាកទឹកកក)នៅចំណុច ភូមិកំពង់ស្វាយ ឃុំកំពង់ស្វាយ ស្រុកកៀនស្វាយ ខេត្តកណ្តាលកាលពីម៉ោងជាង៨យប់នាថ្ងៃទី១០ខែមករាឆ្នាំ២០២១។
ជនសង្ស័យៈឈ្មោះ ប៉ែង សុវណ្ណារ័ត្ន ភេទ ប្រុស អាយុ ៣១ ឆ្នាំ ជនជាតិខ្មែរ មុខរបរ (មិនពិតប្រាកដ)
មានទីលំនៅភូមិកំពង់ស្វាយ ឃុំកំពង់ស្វាយ ស្រុកកៀនស្វាយ ខេត្ត កណ្តាល ។
វត្ថុតាងចាប់យករួមមាន៖
១ -ម្សៅក្រាមពណ៍សថ្លាសង្ស័យសារធាតុញៀន (ម៉ាទឹកកក) ចំនួន០២កញ្ចប់(ធំ០១ តូច០១)
២ -ទូរស័ព្ទដៃចំនួន០១ គ្រឿង
ម៉ាក OPPO ពណ៏ទឹកមាស
លោកអធិការបន្តទៀតថានៅថ្ងៃ.ខែ.ឆ្នាំ វេលាម៉ោងកើតហេតុខាងលើកម្លាំងប៉ុស្តិ៍នគរបាលរដ្ឋបាលកំពង់ស្វាយ សហការជាមួយប្រជាការពារបានល្បាតតាមភូមិសាស្ត្រ ក្នុងមូលដ្ឋាន ឃុំកំពង់ស្វាយលុះដល់ចំណុចលេីស្ពានកំពង់ស្វាយផ្លូវ១១០ក៏ឃេីញឈ្មោះ ប៉ែន សុវណ្ណារត្ន័ ភេទប្រុស អាយុ ៣១ ឆ្នាំមានទីលំនៅភូមិកំពង់ស្វាយ ឃុំកំពង់ស្វាយ ស្រុកកៀនស្វាយ ខេត្ត កណ្តាល កំពង់ដើរនៅលើស្ពានដោយមានការសង្ស័យដែលជាមុខសញ្ញាចែកចាយគ្រឿងញៀន(ម៉ាទឹកកក)កន្លងមកក៏បានហៅអោយឈប់ហេីយធ្វេីការឆែកឆេរទៅលេីខ្លួនប្រាណជនសង្ស័យ ពេលនោះកម្លាំងសមត្ថកិច្ចក៏បានរកឃេីញថ្នាំញៀន(ម៉ាទឹកកក)ចំនួន០២កព្ចាប់ដែលនៅនឹងខ្លួនជនសង្ស័យ ០២កញ្ចប់ធំ០១កញ្ចប់តូច០១កញ្ចប់) ។
ភ្លាមនោះកម្លាំងប៉ុស្តិ៍នគរបាលរដ្ឋបាលកំពង់ស្វាយក៏បាឃាត់ខ្លួនជនសង្ស័យរួមទាំងវត្ថុតាង មកសាកសួរនាំនៅប៉ុស្តិ៍កំពង់ស្វាយ នៅចំពោះមុខសមត្តកិច្ចជនសង្ស័យ បានឆ្លើយសារភាពថា៖ វត្ថុតាងថ្នាំញៀន(ម៉ាទឹកកក)ចំនួន០២កញ្ចប់ ខាងលើនេះពិតជារបស់ខ្លួនពិតប្រាកដមែនដែលបានទិញពីមនុស្សប្រុសម្នាក់(មិនស្គាល់ឈ្មោះ)នៅភូមិព្រែកតាទិនឃុំស្វាយប្រទាល ស្រុកស្អាង ខេត្តកណ្ដាល យកមកចែកចាយបន្ត។
បន្ទាប់ពីសួរនាំរួចកម្លាំងសមត្ថកិច្ចក៏បញ្ជូនជនសង្ស័យ រួមនឹងវត្ថុងតាង មកកាន់អធិការដ្ឋាននគរបាលស្រុកកៀនស្វាយដើម្បីចាត់ការតាមនិតិវិធី៕
