អន្ទង់ទន្លេជាប្រភេទត្រី ស្ទើផុតពូជ ដោយ សារការ រស់នៅ រើសដី នឹងនៅទឹកជ្រៅ បំលះទីញឹកញាប់
ភ្នំពេញ៖ អន្ទង់ទន្លេ ប្រភេទនេះ ចូលចឹត្ដរស់នៅតំបន់ទឹកជ្រៅ ហើយត្រជាក់ និងដីភក់ច្រើន ត្រូវបានគេ ហៅជាទូទៅថាអន្ទង់ទន្លេ និងមានឈ្មោះវិទ្យាសាស្ត្រថាOphisternon bengalense ដែលកាលពីមុនមានឈ្មោះថាOphi sternon albus និងស្ថិតក្នុងអំបូរ Synbra nchidae។ អន្ទង់ទនេប្រភេទនេះ ស្ទើផុតពូជនៅកម្ពុជា ដោយសារតម្រូវការច្រើនពេញនិមយ នៅវៀតណាម ។
លោកថាច់ ផាណារ៉ា អនុប្រធានមន្ទីរកសិកម្ម រុក្ខា ប្រមាញ និងនេសាទ រាជធានីភ្នំពេញ បានបញ្ជាក់ឲ្យ ដឹងនៅថ្ងៃទី១០ មករានេះថា៖ អន្ទង់ប្រភេទនេះ មានទំហំមធ្យមដោយមានប្រវែង ដងខ្លួនប្រមាណ៥០សង់ទីម៉ែត្រ និងមានលក្ខណៈខុសអំពីអន្ទង់ស្រែ គឺនៅត្រង់ ក្បាល កន្ទុយ ភ្នែក និងដងខ្លួន។ វាត្រូវបានប្រជានេសាទ ធ្លាប់ចាប់ បានម្តង ម្កាល ប៉ុណ្ណោះ តាំងពីមុនឆ្នាំ២០០៧ ហើយជាទូទៅវាត្រូវបានគេដឹងថា វាមានវត្តមានតែនៅតាម ទន្លេ បឹងបួរ វាល ភក់ តែពុំសូវសម្បូ នេះទេ ។
លោក ថាច់ ផាណារ៉ា បានបន្ថែមថា តាមការសាក សួរប្រជានេសាទ ដែលធ្លាប់ស្គាល់អន្ទង់ប្រភេទនេះ គឺនៅពេលនេសាទបាន ពុំត្រូវបានប្រជានេសាទយក ទៅលក់ដូរនោះទេ ព្រោះថាសាច់របស់វារឹងៗ និងពុំមានរស ជាតិ មិនដូចសាច់អន្ទង់ស្រែធម្មតា ហើយអ្នក ស្គាល់ក៏ពុំទិញយកទៅពិសានោះដែរ ហេតុដូច្នេះហើយទើបធ្វើឱ្យអន្ទង់ប្រភេទនេះ ពុំមានតម្លៃនៅក្នុងទីផ្សារ ដូចអន្ទង់ទូទៅ និងមិនមានកត់ត្រាចូលទៅក្នុងសៀវភៅស្តីពីត្រីទឹកសាបនៅព្រះរាជាណាចក្រកម្ពុជា ប៉ុន្តែអន្ទង់ប្រភេទនេះ ពេញនិយមនៅប្រទេសវៀតណាម។
អន្ទង់គឺជាប្រភេទត្រី ហើយភាគច្រើនមានលក្ខណៈ ពិសេសមួយគឺអាចសម្របខ្លួនទៅនឹងបរិស្ថានជុំវិញ ដូចជាការធ្វើដំណើរកាត់កន្លែងដែលគោកបើទោះជារយៈពេលខ្លី ដើម្បីស្វែងរកកន្លែងដែលមានភក់ និងទឹកសម្រាប់រស់នៅ។ វាពងកូនធ្វើសំបុកពពុះនៅផ្ទៃទឹក នៅរដូវវស្សា និងស៊ីសត្វល្អិត សិប្បី សត្វ និងកាកសំណល់ផ្សេងៗ ជាអាហារ ។
នៅកម្ពុជាយើង យោងតាមសៀវភៅ ស្តីពីត្រីទឹកសាបនៅព្រះរាជាណាចក្រកម្ពុជា គឺមានអន្ទង់ចំនួន០៤ ប្រភេទដែលត្រូវបានកត់ត្រា ក្នុងនោះមាន អន្ទង់ដំណើប អន្ទង់ត្រាវ អន្ទង់ក្រហម និងអន្ទង់ស។ អន្ទង់ត្រូវបានចាត់ថ្នាក់ជាពពួកទី៣ នៅក្នុងឧបសម្ព័ន្ធ ដែលពុំត្រូវបានការពារ ឬបារម្ភពីការគំរាមកំហែង នោះទេ និងស្ថិតក្នុងបញ្ជីក្រហម ដែលមានចំណាត់ថ្នាក់ពុំគួរឱ្យព្រួយបារម្ភ (Least con cern) របស់អង្គការសហភាពអន្តរជាតិដើម្បីការអភិរក្សធម្មជាតិIU CN (Interna tional Union for Conser vation of Nature)៕. សំរិត
