ជនចាស់ជរា ប្រជាពលរដ្ឋទីទាល់ក្រ ចំនួន ៥០គ្រួសារ បានទទួលអំណោយពីអនុសាខាកាកបាទក្រហមកម្ពុជាខណ្ឌដង្កោ
ភ្នំពេញ៖នៅព្រឹកថ្ងៃសៅរទី១៣ ខែកុម្ភៈ ឆ្នាំ២០២១ ក្រុមការងារអនុសាខាកាកបាទក្រហមកម្ពុជាខណ្ឌដង្កោ ដឹកនាំដោយ ជ គឹមស៊ អភិបាលរងខណ្ឌ និងជាប្រធានអនុសាខាកាកបាទក្រហមកម្ពុជាខណ្ឌដង្កោ តំណាងលោកស្រី គឹម ញឹប អភិបាលខណ្ឌ និងជាប្រធានកិត្តិយសអនុសាខាកាកបាទក្រហមកម្ពុជាខណ្ឌដង្កោ បានចុះសាកសួរសុខទុក្ខ និងចែកអំណោយមនុស្សធម៌របស់កាកបាទក្រហមកម្ពុជា ជូនដល់ចាស់ជរា ប្រជាពលរដ្ឋទីទាល់ក្រ ចំនួន ៥០គ្រួសារ ដែលអញ្ជើញមកពីសង្កាត់គងនយ ខណ្ឌដង្កោ ។
នៅក្នុងឱកាសនោះលោកប្រធានអនុសាខា កាកបាទក្រហមកម្ពុជាខណ្ឌដង្កោបាននាំមកនូវការផ្តាំផ្ញើសាកសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាជូនដល់គ្រួសារទាំងអស់។
មន្ត្រីរដ្ឋបាលខណ្ឌបានឱ្យដឹងថា៖អំណោយមនុស្សធម៌ដែលលោកជ គឺមស៊រ អភិបាលរងខណ្ឌដង្កោបាននាំយកទៅចែកជូនក្នុង០១គ្រួសារទទួលបាន អង្ករ២៥គីឡូក្រាម, មី០១កេស, ទឹកត្រី០១យួរ, ត្រីខកំប៉ុង១យួរ, ភួយ០១, ឆ្នាំងបាយ ឬចានស្រាក់ ឬកំសៀវទឹកឬ ធុងទឹកកកឬ ចង្ក្រានហ្គាស ឬបំពង់ទឹកក្ដៅ ០១, ឃីត០១កញ្ចប់ នឹងថវិកាមួយចំនួន។
ជាមួយគ្នានោះ ព្រះតេជគុណ មាន បារាំង ចៅអធិការវត្តប្រាសាទ បានចូលរួមឧបត្ថម្ភថវិកាជូនប្រជាពលរដ្ឋទាំង៥០គ្រួសារ នូវថវិកាមួយចំនួនផងដែរ៕
