រដ្ឋបាលខណ្ឌបឹងកេងកង បន្តចុះចែកម៉ាសជូនប្រជាជនក្នុងមូលដ្ឋាន និងអ្នកដំណើរតាមមធ្យោបាយ និងសូមអនុវត្តន៍៣ការពារនិង៣កុំ
ភ្នំពេញ៖កាលពីព្រឹកថ្ងៃទី០២ខែមិនាឆ្នាំ២០២១នេះរដ្ឋបាលខណ្ឌបឹងកេងកង ដែលចុះដឹកនាំការងារនេះដោយផ្ទាល់គឺលោកស្រី សុិន រតនា អភិបាលរងខណ្ឌបឹងកេងកងនិងជាអនុប្រធានគណ:កម្មាធិការអនុសាខាកាកបាទក្រហមកម្ពុជា ខណ្ឌបឹងកេងកង និងជាតំណាងលោក ធឹម សំអាន អភិបាលខណ្ឌបឹងកេងកងនិងជាប្រធានគណៈកម្មាធិការអនុសាខាកាកបាទក្រហមកម្ពុជា ខណ្ឌបឹងកេងកងដោយបានសហការជាមួយលោក ហង្ស ណាវី មន្ដ្រីការសាខាកាកបាទក្រហមរាជធានីភ្នំពេញ បានបន្តចុះធ្វើការចែកម៉ាស និងធ្វើការផ្សព្វផ្សាយទៅដល់ប្រជាពលរដ្ឋធ្វើដំណើរតាមមធ្យោបាយនានានៅតាមបណ្ដាភ្លើងស្ដុបនិមួយៗក្នុងមូលដ្ឋានខណ្ឌបឹងកេងកង នៃរាជធានីភ្នំពេញដោយស្ដីពីវិធានការ,ការពារ និងបង្កាទប់ស្កាត់ជំងឺកូវីដ-19 ក្នុងកំឡុងពេល “ព្រឹត្តិការណ៍សហគមន៍ ២០ កុម្ភៈ” ។
ជាមួយគ្នានេះដែរលោកស្រីសុិន រតនាអភិបាលរងខណ្ឌបឹងកេងកង ក៏បានមានមតិលើកឡើងយ៉ាងក្បោះក្បាយដោយសូមធ្វើការអំពាវនាវទៅដល់បងប្អូនប្រជាពលរដ្ឋទាំងអស់ សូមអោយអនុវត្តឲ្យខ្ជាប់ខ្ជួនតាមប្រសាសន៍ដ៏ខ្ពង់ខ្ពស់របស់សម្តេចតេជោ នាយករដ្ឋមន្ត្រីគឺ ៣ការពារ (ពាក់ម៉ាស់, លាងដៃ, រក្សាគម្លាត) និង ៣កុំ (កុំក្បែរមនុស្សច្រើន, កុំប៉ះពាល់គ្នា, កុំក្នុងបន្ទប់បិទជិត) ដើម្បីបញ្ជៀសកូវីដ-១៩ទាំងអស់គ្នា៕
