សមត្ថកិច្ចឃាត់ខ្លួនថៅកែស្ដ្រី ដែលប្រើអំពើហិង្សាយ៉ាងព្រៃផ្សៃ លើកូនឈ្មួលជាំមុខ
ភ្នំពេញ ៖ បន្ទាប់ពីមានប្រតិកម្មល្បីល្បាញនៅលើបណ្ដាញសង្គម ពាក់ព័ន្ធថៅកែស្រីម្នាក់ប្រើអំពើហិង្សាយ៉ាងព្រៃផ្សៃ ទៅលើយុវតីជាកូនឈ្នួលអាយុ១៦ឆ្នាំនោះមក។ នៅថ្ងៃទី០៥ ខែមីនា ឆ្នាំ២០២១នេះស្ដ្រីដៃដល់ ត្រូវបាននគរបាលរាជធានីភ្នំពេញឃាត់ខ្លួនហើយ។
ជនសង្ស័យឈ្មោះ មុំ ម៉ារីណា អាយុ ៣០ឆ្នាំ ជាថៅកែនាំផលិតផលពីប្រទេសកូរ៉េ លក់នៅកម្ពុជា ស្នាក់នៅផ្ទះជួល លេខ ១១៨ ផ្លូវB បុរីពិភពថ្មីឈូកមាស ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ !(ឃាត់ខ្លួន)។
រីឯកូនឈ្នួលបម្រើទើបអាយុ១៦ឆ្នាំ ។
សេចក្ដីរាយការណ៍ថា៖ ថៅកែស្រីម្នាក់នេះជាម្ចាស់ហាងបោះដុំផលិតផល មកពីប្រទេសកូរ៉េ ប្រើគណនី Facebook ឈ្មោះ Heng Mariza ។
ជុំវិញករណីនេះដែរនៅព្រឹកទី០៥ ខែមីនា ឆ្នាំ២០២១ សាច់ញាតិជនរងគ្រោះ បានទៅដាក់ពាក្យបណ្តឹងទៅ ប៉ុស្តិ៍នគរបាលរដ្ឋបាលក្រាំងធ្នង់ នៃខណ្ឌសែនសុខ ដើម្បីឱ្យសមត្ថកិច្ចចាត់ការតាមនីតិវិធី ។
យោងតាមឃ្លីបវីដេអូ ដែលបានចែកចាយនៅលើបណ្ដាញសង្គម គឺថៅកែស្រីរូបនេះបានយកទូរស័ព្ទវាយក្បាលជនរងគ្រោះ ។
និងបានសំឡុតគំរាមមិនអោយប្រាប់អ្នកជិតខាងនិង សាច់ញាតិបងប្អូនទៀតផង..!។
ក្រោយសាច់បានឃើញពីស្លាកស្នាមនៅលើមុខក្មេងស្រីជនរងគ្រោះ ជនដៃដល់ដែលជាថៅកែក៏បានទទួលស្គាល់ថា៖ ខ្លួនពិតជាបានប្រើអំពើហិង្សាលើកូនឈ្នួលជាអ្នកបម្រើ ប្រាកដមែន។
លុះដល់រសៀលថ្ងៃទី០៥ ខែមីនា ឆ្នាំ២០២១នេះសមត្ថកិច្ចបានចុះស្រាវជ្រាវនិងឃាត់ខ្លួនស្ដ្រីជាថៅកែរូបនោះតែម្ដងទៅ ៕
