ចាប់ខ្លួនឪពុកក្មេក យកបំពង់ទីបវាយក្បាលកូនប្រសា របួសធ្ងន់
ក្រចេះ ៖ នគរបាលព្រហ្មទណ្ឌស្រុកស្នួល ចាប់ខ្លួនឪពុកក្មេកដែលប្រើហិង្សា ដោយយកបំពង់ទីបវាយក្បាលកូនប្រសាឲ្យរបួសធ្ងន់។
ករណីហិង្សានេះកើតមានឡើងក្នុងជម្លោះពេលផឹកស៉ីជប់លៀងបង្កក់កូននៅល្ងាចថ្ងៃទី៦ ខែមីនា នៅភូមិឃ្សឹមក្រៅ ឃុំឃ្សឹម ស្រុកស្នួល។
ជនដៃដល់ត្រូវបាននគរបាលព្រហ្មទណ្ឌស្រុកស្នួល ចាប់ខ្លួន ភ្លាមៗបន្ទាប់ពីបង្កហេតុ។
ជនរងគ្រោះឈ្មោះ មឿន សុភ័ក្រ អាយុ២៨ឆ្នាំ រស់នៅភូមិឃ្សឹមក្រៅ ឃុំឃ្សឹម ស្រុកស្នួល ខេត្តក្រចេះ (របួសធ្ងន់) ត្រូវជាកូនប្រសារ ។ ចំណែកឯជនដៃដល់ឈ្មោះ ហ៊ាម ហៀប អាយុ៤៧ឆ្នាំ រស់នៅភូមិ-ឃុំ ជាមួយគ្នា (ត្រូវជាឪពុកក្មេក) ៕
