គ្រោះថ្នាក់ចរាចរណ៍ រវាងឡាននិងម៉ូតូ ស្លាប់ម្នាក់ របួសម្នាក់ នៅមុខកំពូល

កណ្ដាល៖ប៉ូលិសបានអោយដឹងថា ករណីគ្រោះថ្នាក់ចរាចរណ៍ផ្លូវគោករវាងរថយន្តនិងម៉ូតូ
បណ្តាលអោយស្លាប់ម្នាក់និងរបួសម្នាក់,ខូចខាតម៉ូតូ០១គ្រឿងនិងរថយន្ត០១គ្រឿង។
គ្រោះថ្នាក់ចរាចរណ៍នេះកើតឡើងកាលពីរសៀលថ្ងៃទី០៨ខែមិនាធ្ឆ្នាំ២០២១នេះនៅលើផ្លូវលេខ៧០Aត្រង់ចំណុចមុខធនាគារស្ថាបនាស្ថិតនៅក្នុងភូមិរកាកោងឃុំរកាកោង១ស្រុកមុខកំពូលខេត្ដកណ្ដាល។
នៅថ្ងៃកើតហេតុខាងលើ មានរថយន្តមួយគ្រឿងម៉ាកសាំងយ៉ុងពណ៍ទឹកប្រាក់ពាក់ផ្លាកលេខភ្នំពេញ2BJ 4494អ្នកបើកបរ (រត់គេចបាត់)ធ្វើដំណើរលិចទៅកើត(ពីភ្នំពេញទៅកំពង់ចាម) លុះមកដល់ចំណុចកើតហេតុបានមកបុកម៉ូតូមួយគ្រឿងម៉ាក P.C.X ពណ៍ស ពាក់ផ្លាកលេខភ្នំពេញ 1.IG.6321 បើកបរដោយឈ្មោះផន វុទ្ធី ភេទប្រុសអាយុ៣២ឆ្នាំ មានីលំនៅភូមិកងតាណឹងទី៨ឃុំកងតាណឹងស្រុកកងមាសខេត្តកំពង់ចាម ដែលធ្វើដំណើរពីកើត ទៅលិច (ច្រាសទិសគ្នា) បណ្ដាលអោយ ស្លាប់ដល់អ្នកបើកបរម៉ូតូឈ្មោះផន វិទ្ធី នៅកន្លែងកើតហេតុ ។
ក្រោយពីទទួលបានពត៌មានកំលាំងប៉ុស្តិរកាកោង១និងកំលាំងជំនាញបានចុះទៅដល់កន្លែងកើតហេតុហើយបានពិនិត្យកន្លែងកើតហេតុ និងវាស់វែង រួចបានយករថយន្តនិងម៉ូតូ មករក្សាទុកនៅអធិការដ្ឋាននគរបាលស្រុកមុខកំពូល។
ចំពោះសព ជំនាញបានធ្វើកំណត់ប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។
សេចក្តីសន្និដ្ឋាន ដោយអ្នកបើកបររថយន្ត បើកបរលឿនហើយមិនប្រកាន់ស្ដាំ៕