ប៉ូលិសកៀនស្វាយឃាត់ខ្លួនជនសង្ស័យ៣នាក់ករណីជួញដូរគ្រឿងញៀន

កណ្ដាល៖លោកអធិការប៉ូលិសស្រុកកៀនស្វាយព្រុំ សំណាងបានអោយដឹង នៅព្រឹកថ្ងៃទី២៦ខែមិនានេះថា ករណីរក្សាទុក ដោយខុសច្បាប់នូវសារធាតុញៀន (ម៉ាទឹកកក)ចំណុច ភូមិស្តៅកន្លែង២ ឃុំដីឥដ្ឋ ស្រុកកៀនស្វាយ ខេត្តកណ្តាលកាលពីរសៀលថ្ងៃទី២៥ខែមិនាឆ្នាំ២០២១នេះ។

ជនសង្ស័យៈ ០៣ នាក់ ស្រី ០១នាក់
១- ឈ្មោះសុខ វាសនា ហៅ យី ភេទប្រុសអាយុ ៣២ ឆ្នាំជនជាតិខ្មែរ មុខរបរមិនពិតប្រាកដ (ឃាត់ខ្លួន)
២- ឈ្មោះ អៀវ ប៊ុនហេង ភេទប្រុសអាយុ២៩ឆ្នាំជនជាតិខ្មែរ
មុខរបរមិនពិតប្រាកដ (ឃាត់ខ្លួន)
៣-ឈ្មោះ ភី រុំ ភេទស្រី អាយុ៣០ឆ្នាំជនជាតិខ្មែរ
មុខរបពុំពិតប្រាកដ (ឃាត់ខ្លួន)
ជនសង្ស័យទាំង០៣នាក់ មានទីលំនៅភូមិស្តៅកន្លែង២ឃុំដីឥដ្ឋ ស្រុកកៀនស្វាយ ខេត្តកណ្តាល
វត្ថុតាងចាប់យករួមមាន៖
១ -ម្សៅក្រាមពណ៍សថ្លាសង្ស័យសារធាតុញៀន(ម៉ាទឹកកក)ចំនួន០៣កញ្ចប់
(ធំ០១កញ្ចប់-មធ្យម០២កញ្ចប់)
២ -ទូរស័ព្ទដៃចំនួន០៣គ្រឿង(ខូច០៣គ្រឿង)
៣- ស្លាកលេខម៉ូតូចំនួន០១(ភ្នំពេញ1R1747)
៤-ម៉ូតូចំនួន០២គ្រឿង(ម៉ាកស៊ុយសូគីស្មាសរីវ៉ូ)ពណ៍ខ្មៅ ស៊េរី២០០៨ ពាក់ស្លាកលេខ កណ្តាល1S.០០៨៣ គ្មានកងក្រោយ គ្មានក្បាំង គ្មានកុងទ័រ គ្មានកញ្ចក់(០១គ្រឿង)
(ម៉ាកស៊ុយសូគីស្មាសរីវ៉ូ)ពណ៍ខ្មៅ គ្មានផ្លាកលេខ គ្មានអាវមុខក្រោយ គ្មានកញ្ចក់(០១គ្រឿង)
៥-កាត់វីងចំនួន០១សន្លឹក នឹងសម្ភារះ ប្រើប្រាស់មួយចំនួន។

លោកអធិការបន្តទៀតថានៅរសៀលថ្ងៃ.ខែ.ឆ្នាំកើតហេតុខាងលើកំលាំងប៉ុស្តិ៍នគរបាលរដ្ឋបាលដីឥដ្ឋសហការណ៍ជាមួយកំលាំងជំនាញផ្នែកប្រឆាំងគ្រឿងញៀនស្រុកកៀនស្វាយ បានល្បាតក្នុងភូមិសាស្ត្រឃុំដីឥដ្ឋ ក៏ប្រទះឃើញជនសង្ស័យឈ្មោះសុខ វាសនា ហៅ យី ភេទប្រុសកំពង់ដើរនៅម្តុំមាត់បឹងថាស់ក្នុងភូមិស្តៅកន្លែង២ ឃុំដីឥដ្ឋដោយមានការសង្ស័យកំលាំងសមត្តកិច្ចបានឃាត់ និងឆែកឆេរលើខ្លួនប្រាណរកឃើញថ្នាំញៀន(ម៉ាទឹកកក) ចំនួន០១កញ្ចប់ធំនៅហ្នឹងខ្លួនជនសង្ស័យភ្លាមនោះកំលាំងសមត្តកិច្ច បានឃាត់យកជនសង្ស័យមកប៉ុស្តិ៍នគរបាលរដ្ឋបាលដីឥដ្ឋ ដើម្បីសួរនាំ នៅចំពោះមុខសមត្តកិច្ចជនសង្ស័យឈ្មោះសុខ វាសនា ហៅយី បានសារភាពថា៖នៅថ្ងៃទី២៥ : ០៣: ២០២១ម៉ោងប្រហែល ០៩: ៣០ នាទីឈ្មោះជុក ចំរើន ភេទប្រុសអាយុ៣៨ ឆ្នាំជនជាតិខ្មែរមុខរបរ ពុំពិតប្រាកដមានទីលំនៅនៅម្ដុំក្ដាន់ពីរក្រុងភ្នំពេញបានយកថ្នាំញៀន(ម៉ាទឹកកក)ចំនួន០៣កញ្ចប់(ធំ១មធ្យម២)មកអោយ ខ្លួន រួចឈ្មោះ សុខ វាសនា ហៅ យី ភេទប្រុសបានយកថ្នាំញៀន(ម៉ាទឹកកក)ចំនួន២កញ្ចប់មធ្យម ទៅអោយឈ្មោះ អៀវ ប៊ុន ហេង ភេទប្រុស អាយុ២៩ឆ្នាំជនជាតិខ្មែរ មុខរបរ ពុំពិតប្រាកដ មានទីលំនៅភូមិឃុំកើតហេតុ នឹងយកថ្នាំញៀន(ម៉់ាទឹកកក)ចំនួន១កញ្ចប់ធំទៅអោយមនុស្សប្រុសម្នាក់ទៀត មិនស្គាល់ឈ្មោះ មិនស្គាល់ទីលំនៅ នៅម្ដុំបឹងថាស់ ស្ថិតនៅភូមិឃុំកើតហេតុក៏ត្រូវកម្លាំងសមត្តកិច្ចឃាត់ខ្លួនតែម្តង។ យកមកសួរនាំនៅប៉ុស្តិ៍ក្រោយពីទទួលបានចម្លើយសារភាព របស់ឈ្មោះសុខ វាសនា ហៅយី ភេទប្រុស។

នៅម៉ោង ១៣:១៥នាទីថ្ងៃខែឆ្នាំដដែល កម្លាំងសមត្តកិច្ចក៏បន្តទៅឃាត់ខ្លួន ឈ្មោះ អៀវ ប៊ុនហេង ភេទប្រុស នឹងឈ្មោះ ភី រុំ ភេទស្រីអាយុ ៣០ ឆ្នាំ ជនជាតិខ្មែរ មិខរបរ ពុំពិតប្រាកដ នឹងដកហូតបាន ថ្មាំញៀន(ម៉ាទឹកកក)ចំនួន២កញ្ចប់មធ្យមទៀតនឹងសម្ភារះប្រើប្រាស់ថ្នាំញៀនមួយចំនួន។

ក្រោយពីសួរនាំរួចជនសង្ស័យ ទាំងបីនាក់រួមហ្នឹងវត្ថុតាងថ្នាំញៀន(ម៉ាទឹកកក) (០៣កញ្ចប់ ធំ ០១មធ្យម០២)បញ្ចូនមកកាមន់អធិការដ្ឋាននគរបាលស្រុកកៀនស្វាយដើម្បីចាត់ការតាមនិតិវិធី៕