អំណោយដ៏ថ្លៃថ្លាបំផុតរបស់ សម្ដេចតេជោ និងសម្ដេចកិត្តិព្រឹទ្ធបណ្ឌិតត្រូវបានអភិបាលខណ្ឌប្ញស្សីកែវ នាំយកទៅជូនគ្រួសារប្រជាពលរដ្ឋម្នាក់ ទទួលមរណភាពដោយជម្ងឺកូវីដ១៩ នៅសង្កាត់ប្ញស្សីកែវ

ភ្នំពេញ៖នៅព្រឹកថ្ងៃអាទិត្យទី២៨ ខែមីនា ឆ្នាំ២០២១លោក ជា ពិសី អភិបាលខណ្ឌប្ញស្សីកែវ បានដឹកនាំ លោក លោកស្រី អភិបាលរងខណ្ឌ លោកប្រធាន-អនុប្រធានការិយាល័យចំណុះរចនាសម្ព័ន្ធរដ្ឋបាលខណ្ឌ មន្ត្រីរាជការនៃរដ្ឋបាលខណ្ឌ កម្លាំងនគរបាល រដ្ឋបាលសង្កាត់ប្ញស្សីកែវ និងសណ្ដាប់ធ្នាប់ខណ្ឌ ចូលរួមរំលែកសេចក្ដីមរណទុក្ខដ៏ក្រៀមក្រំបំផុត និងនាំពាំអំណោយដ៏ថ្លៃថ្លាបំផុតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ផ្ដល់ជូនតាមរយៈ ឯកឧត្តម ឃួង ស្រេង អភិបាលនៃអភិបាលរាជធានីភ្នំពេញ មកឧបត្ថម្ភជូនដល់ គ្រួសារឈ្មោះ ហ៊ូ ហូយ ភេទស្រី អាយុ៧២ឆ្នាំ ដែលបានទទួលមរណភាពដោយ ជម្ងឺកូវីដ១៩ មានទីលំនៅនៅក្នុងសង្កាត់ប្ញស្សីកែវ ខណ្ឌប្ញស្សីកែវ ។
អំណោយដ៏ថ្លៃថ្លាបំផុតរបស់សម្ដេចទាំងទ្វេ ដែលបានពាំនាំមកឧបត្ថម្ភដល់ក្រុមគ្រួសារសពនាឱកាសនេះ រួមមាន ៖ អង្ករ ១០០ គីឡូ និង បច្ច័យចំនួន ៥,០០០,០០០ រៀល៕