ម៉ូតូបុកម៉ូតូស្លាប់២នាក់, របួសម្នាក់

ចេញផ្សាយ ថ្ងៃទី 29 ខែ មីនា ឆ្នាំ 2021

កណ្ដាល៖ប៉ូលិសអោយដឹងថា គ្រោះថ្នាក់ចរាចរណ៍រវាងម៉ូតូ និង ម៉ូតូបណ្ដាលអោយស្លាប់២នាក់នៅកន្លែងកើតហេតុ និង រងរបួសធ្ងន់ម្នាក់,ខូចខាតម៉ូតូ០២គ្រឿង។
គ្រោះថ្នាក់ចរាចរណ៍នេះកើតឡើងនៅព្រលប់ថ្ងៃទី២៨ ខែមីនា ឆ្នាំ២០២១ នៅលេីកំណាត់ផ្លូវជាតិលេខ ៥១មុខភូមិសេរីសុខា ឃុំដំណាក់អំពិល ស្រុកអង្គស្នួល ខេត្តកណ្ដាល ចន្លោះគីឡូម៉ែត្រ៣៤-៣៥។
នៅល្ងាចថ្ងៃទីខែឆ្នាំ កេីតហេតុខាងលេី មានម៉ូតូ០១គ្រឿងម៉ាកហុងដាឌ្រីម ពណ៌ខ្មៅ ពាក់ផ្លាកលេខ កណ្តាល ១AD-១០៣៣ បេីកបរដោយឈ្មោះ ទិត ទុយ ភេទប្រុស អាយុ៧៥ឆ្នាំ ស្លាប់នៅនឹងកន្លែងកើតហេតុ ( ពាក់មួកសុវត្តិភាព )ទីលំនៅភូមិគោល ឃុំទួលព្រេជ ស្រុកអង្គស្នួល ខេត្តកណ្តាល មុខរប លោកអាចារ្យវត្ត បានបើកម៉ូតូពីជើងទៅត្បូង(ឧដុង្គ – ថ្នល់ទទឹង) លុះមកដល់ចំណុចកើតហេតុខាងលើម៉ូតូបានជ្រុលចង្កូតចូលចំណែកផ្លូវយាន្តម្ខាងទៀត ក៏បុកជាមួយម៉ូតូមួយគ្រឿងម៉ាក ហុងដាខ្លិច ពណ៌សរពាក់ស្លាកលេខ កណ្តាល១AB-៧៧៤៩ អ្នកបើកបរឈ្មោះយិន យ៉ុម ភេទប្រុស អាយុ ៥០ ស្លាប់នៅនឹងកន្លែងកើតហេតុ រួមដំណើរជាមួយប្រពន្ធឈ្មោះ អៀង ផាអាយុ៤៨ ( ពាក់មួកសុវត្តិភាពទាំង០២ ) របួសធ្ងន់ដែលមានទីលំនៅភូមិ គិរីថ្មី ឃុំសំរោងលើ ស្រុកអង្គស្នួល ខេត្តកណ្តាល ដែលបើករពីត្បូងទៅជើង ទិសដៅបញ្ច្រាស់គ្នា។
សេចក្ដីសនិ្នដ្ឋាន ៖ករណីនេះបណ្ដាលមកពីអ្នកបេីកបរម៉ូតូហុងដាឌ្រីម បើកបរខ្វះការប្រុងប្រយ័ត្ន មិនប្រកាន់ស្តាំ ។
ចំពោះសពបានប្រគល់អោយសាច់ញាតិយកទៅធ្វើបុណ្យតាមប្រពៃណី និង អ្នករងរបួស ត្រូវបានបញ្ជូនទៅមន្ទីពេទ្យ។
ចំពោះមធ្យោយបាយ កម្លាំងជំនាញបាន ធ្វេីការវាស់វែង យកមករក្សារទុក នៅអធិការដ្ឋាននគរបាលស្រុក ដេីម្បីកសាងសំណុំរឿង តាមនីតិវិធីច្បាប់ ៕