ទស្សនិជន សសើរកូនប្រុសតារាពហុជំនាញ ខាត់ សុឃីម ខាត់ បញ្ញាស្កាយ ពិតជាមានទេពកោសល ស្លឹកឈើជ្រុះមិនឆ្ងាយពីគល់

ភ្នំពេញ៖ ឆ្នាំនេះកូនប្រុសច្បងរបស់តារាពហុជំនាញ អ្នកនាង ខាត់ សុឃីម មានឈ្មោះថា ខាត់ បញ្ញាស្កាយ អាយុ ១៦ឆ្នាំ និងពេញកំលោះពេញរូបពេញរាងហើយ ខណៈសាច់ឈាមមុខមាត់សង្ហាខ្លាំង និងកោតសសើរពីទស្សនិជនជាច្រើន ថា ផ្លែត្នោតជ្រុះមិនឆ្ងាយពីគល់មែន ។
ក្រៅពីមានមុខមាត់ស្រស់សង្ហា កូនប្រុសនាងក៏មានអត្តចរិក សុភាពរាបសារគួរឲ្យសរសើរ ផងដែរ ។ ថ្មីៗនេះរូបថតប៉ុន្មានសន្លឹកចុងក្រោយថ្មីៗនេះ ដែលត្រូវបានបញ្ចេញដោយអ្នកនាង ខាត់ សុឃីម បានធ្វើឲ្យអ្នកគាំទ្រនាងភ្ញាក់ផ្អើលខ្លាំងនឹងរូបសម្រស់កូណប្រុសកំលោះថ្ពាល់ខួច និងភ្ញាក់ផ្អើលគ្រប់គ្នាថា មានរូបរាងសង្ហា។ អ្នកគាំទ្រសរសើរអ្នក នាង ខាត់ សុឃីមដែលបានចិញ្ចឹមកូនឲ្យមានសុខភាពល្អ ពិសេសប្រកបដោយគន្លងធម៌ និងមានចំណេះដឹង។ កាន់តែកោតសរសើរគឺសុភមង្គលពេញលេញ របស់ក្រុមក្រួសារមួយនេះដែលអ្នកនាង ខាត់ សុឃីមក៏មានកូនស្រីម្នាក់ដ៏គួរឲ្យខ្នាញ់ម្នាក់ឈ្មោះស្អាត ហើយពួកគេធ្លាប់បានធ្វើដំណើររួមគ្នាទៅកម្សាន្តនៅតំបន់នានា យ៉ាងមានសុភមង្គល ខណៈដែលលោកផាណូ ជាស្វាមីក៏មើលថែក្រុមគ្រួសារមួយនេះបានយ៉ាងល្អ។
កូនប្រុសរបស់អ្នកនាង ខាត់ សុឃីម កន្លងមកក៏ធ្លាប់បង្ហាញមុខក្នុងកម្មវិធីសិល្បៈមួយចំនួន និងធ្លាប់បានលេចមុខក្នុងការជួយ Live លក់ផលិតោផលថែរក្សាសម្រស់ ជាមួយម្តាយផងដែរ រហូតទទួលបានការកោត សរសើរពីអត្តចរិក បុគ្គលិកលក្ខណៈ របស់កូនប្រុសនាងថា សុភាពរាបសារ និងប្រកប ដោយគន្លងធម៌ ៕ សំរិត