ផ្សារច្បារអំពៅ និងផ្សារបន្លែច្បារអំពៅ ត្រូវបិទទាំងស្រុងរយះពេល១៤ថ្ងៃ មូលហេតុមានអាជីវករឆ្លងកូវីដ១៩

ភ្នំពេញ៖បើយោងតាមការបញ្ជាក់ ពីសំណាក់លោកប្រធានផ្សារទាំង២រូប គឺប្រធានផ្សារច្បារអំពៅ និង លោកប្រធានផ្សារបន្លែច្បារអំពៅ បានអោយដឹងនៅល្ងាចថ្ងៃទី២៣ខែមេសានេះថា ដោយទទួលបានការណែនាំពីលោក ចេង មុនីរ៉ា អភិបាលខណ្ឌច្បារអំពៅ លោក គួច ចំណាន ប្រធានគណៈកម្មការគ្រប់គ្រងផ្សារ ច្បារអំពៅ និង សាន់ ប៊ុនណាប្រធានផ្សារបន្លែ ដោយបានចុះផ្សព្វផ្សាយបិតផ្សារច្បារអំពៅ និង ផ្សារបន្លែច្បារអំពៅទាំងស្រុងក្នុងរយ:ពេល១៤ថ្ងៃ ដោយគិតចាប់ពីថ្ងៃទី២៤ ខែមេសា ឆ្នាំ២០២១ខាងមុខ នេះតទៅ ដោយមូលហេតុមានបងប្អូន អាជីវករគាត់បានឆ្លងជំងឺកូវិដ១៩ ។ ហើយម្យ៉ាងទៀតចំពោះបងប្អូនអាជីវករដែលត្រូវទៅយកសំណាក ត្រូវតែបន្តយកសំណាក អោយបានគ្រប់ៗគ្នា ដេីម្បីសុវត្ថិភាព សុខភាពរបស់បងប្អូន និងគ្រួសារផងដែរ។
ដូចនេះសូមគោរពជូនពរបងប្អូនមានសុខភាពល្អគ្រប់ៗគ្នា និង ជៀសផុតពីជំងឺឆ្លងកូវិដ១៩ និង សូមជូនពរបងប្អូនដែលវិជ្ជមាន សូមឆាប់ជៀសះស្បេីឡេីងវិញផងដែរ៕ដោយសុវណ្ណភូមិ