ការធ្វើចរាចរឆ្លងកាត់ ចំណុចស្ពានសំរោង ត្រូវបានអាជ្ញាធរផ្អាកទាំងស្រុង

មកដល់ម៉ោង ៩ ព្រឹកថ្ងៃទី ១៩ ខែសីហា ឆ្នាំ ២០១៨ នេះ ទឹកជំនន់នៅផ្លូវជាតិលេខ ៤ ត្រូវចំណុចស្ពានសំរោង (គម ១១៦-១១៧) ភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ បានចាប់ផ្តើមស្រកចុះវិញហើយ ប៉ុន្តែទឹកនៅបន្តហូរកាត់ពីលើផ្លូវជាតិ និងស្ពាននៅឡើយ ។ ពេលនេះ ទឹកកំពុងបន្តស្រកចុះយ៉ាងឆាប់រហ័ស ដែលអាចនឹងស្រកផុតផ្លូវជាតិ និងស្ពានទាំងស្រុង ក្នុងពេលដ៏ខ្លីខាងមុខ ។
ការធ្វើចរាចរឆ្លងកាត់ ត្រូវបានអាជ្ញាធរផ្អាកទាំងស្រុងហើយ ។