ក្រោយការបោះឆ្នោត សម្តេចតេជោ ជួបជាមួយ ថ្នាក់ដឹកនាំមកពីគណបក្សនយោបាយ ចំនួន១៦
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានជួបប្រជុំពិភាក្សា ព្រមទាំងហូបអាហារសាមគ្គី ជាមួយបងប្អូនថ្នាក់ដឹកនាំមកពីគណបក្សនយោបាយ ចំនួន១៦ នៅវិមានសន្តិភាព នាព្រឹកថ្ងៃទី ២១ ខែសីហា នេះ។ ចំណែកគណបក្សនយោបាយចំនួន៤ផ្សេងទៀត មិនបានចូលរួមនោះទេ។
ការជួបជុំបងប្អូននៅថ្ងៃនេះ គឺពិភាក្សាគ្នាក្នុងការបង្កើត “ឧត្តមក្រុមប្រឹក្សាពិគ្រោះយោបល់” រវាងរាជរដ្ឋាភិបាល និងគណបក្សនយោបាយនានា ដែលបានចូលរួមប្រកួតប្រជែងនៅក្នុងការបោះឆ្នោតជ្រើសតាំងតំណាងរាស្ត្រនីតិកាលទី៦ កាលពីថ្ងៃទី២៩ ខែកក្កដា ឆ្នាំ២០១៨កន្លងទៅ ។
+គណបក្សនយោបាយដែលចូលរួមកិច្ចពិគ្រោះយោបល់ខាងលើនេះរួមមានដូចជា៖
១៖ គណបក្សខ្មែររួបរួមជាតិ
២៖ គណបក្សពន្លឺថ្មី
៣៖ គណបក្សសញ្ជាតិកម្ពុជា
៤៖ គណបក្សខ្មែរក្រោក
៥៖ គណបក្សសំបុកឃ្មុំសង្គមប្រជាធិបតេយ្យ
៦៖ គណបក្សសាធារណរដ្ឋប្រជាធិបតេយ្យ
៧៖ គណបក្សសាធារណរដ្ឋខ្មែរ
៨៖ គណបក្សរស្មីខេមរា
៩៖ គណបក្សហ៊្វុនស៊ិនប៉ិច
១០៖ គណបក្សខ្មែរអភិវឌ្ឍសេដ្ឋកិច្ច
១១៖ គណបក្សយុវជនកម្ពុជា
១២៖ គណបក្សធម្មាធិបតេយ្យ
១៣៖ គណបក្សឆន្ទៈខ្មែរ
១៤៖ គណបក្សជនជាតិដើមប្រជាធិបតេយ្យកម្ពុជា
១៥៖ គណបក្សខ្មែរតែមួយ
១៦៖ គណបក្សប្រជាជនកម្ពុជា
+គណបក្សដែលមិនចូលរួមមាន
១៖ គណបក្សមាតុភូមិយើង
២៖ គណបក្សប្រជាធិបតេយ្យមូលដ្ឋាន
៣៖ គណបក្សសម្ព័ន្ធដើម្បីប្រជាធិបតេយ្យ
ទី៤៖ គណបក្សខ្មែរឈប់ក្រ
ការចូលរួមផ្តល់នូវមតិយោបល់ច្រើន គឺរមែងនាំមកនូវផលប្រយោជន៍វិជ្ជមានល្អៗច្រើន សម្រាប់ចូលរួមកសាងជាតិ។ នេះក៏បង្ហាញឲ្យឃើញថា យើងរួបរួមគ្នាជាកម្លាំងស្នូល នៃសាមគ្គីភាព និងឯកភាពជាតិពិតប្រាកដ តាមគន្លងលទ្ធិប្រជាធិបតេយ្យ។
សូមអរគុណបងប្អូនជនរួមជាតិ និងកូនក្មួយយុវជនទាំងអស់ ដែលចូលរួមថែរក្សាសន្តិភាព ដើម្បីកម្ពុជា មានឱកាសគ្រប់គ្រាន់ ក្នុងការកសាងប្រទេសឲ្យកាន់តែរីកចម្រើន៕
