នាយកដ្ឋានអភិវឌ្ឍន៍ ក្រសួងការពារជាតិ បានបង្កេីតឲ្យមានការកែច្នៃម្ហូបអាហារ ការដាំដុះ ការចិញ្ចឹមសត្វ និងចែកចាយនិងពង្រីកទីផ្សារផលិតផល ដេីម្បីលេីកស្ទួយជីវភាពគ្រួសារកងទ័ព
ភ្នំពេញ៖ នាយកដ្ឋានអភិវឌ្ឍន៍ ក្រសួងការពារជាតិ ក្រោមការដឹកដ៏វាងវៃរបស់ឯកឧត្តម ឧត្ដមសេនីយ៍ឯក អ៊ុក កោសា ទីប្រឹក្សាសម្តេចអគ្គមហាពញាចក្រី ហេង សំរិន ប្រធានរដ្ឋសភាជាតិ នៃព្រះរាជាណាចក្រកម្ពុជា ជាអគ្គនាយករង អគ្គនាយកដ្ឋាននយោបាយ និងកិច្ចការបរទេស និងជានាយក នាយកដ្ឋានអភិវឌ្ឍន៍ ក្រសួងការពារជាតិ និងថ្នាក់ដឹងនាំនាយកដ្ឋានអភិវឌ្ឍន៍ បានបង្កេីតឲ្យមានការកែច្នៃម្ហូបអាហារ ការដាំដុះ ការចិញ្ចឹមសត្វ និងបានធ្វើកិច្ចសហប្រតិបត្តិការ (MOU) ជាមួយសិប្បកម្មផលិតទឹកត្រី ទឹកស៊ីអ៊ីវ ទឹកម្ទេស កង សុសេដា ចែកចាយនិងពង្រីកទីផ្សារផលិតផល ដេីម្បីលេីកស្ទួយជីវភាពគ្រួសារកងទ័ព អោយកាន់តែរីកចម្រេីន និងជួយរកចំណូលជូននាយកដ្ឋានអភិវឌ្ឍន៍ ទៀតផង។
នាយកដ្ឋានអភិវឌ្ឍន៍ ក្រសួងការពារជាតិ បានផ្តល់កម្ចីមូលនិធិជូនដល់នាយទាហាន នាយទាហានរង និងពលទាហាន នៅក្នុងនាយកដ្ឋានអភិវឌ្ឍន៍ រូបណាដែលមានបំណងចង់បង្កេីតគំរោងផ្សេងៗ។ គោលបំណងរបស់នាយកដ្ឋានអភិវឌ្ឍន៍ បង្កេីតអោយមានគម្រោងនេះឡេីង គឺស្របតាមយុទ្ធសាស្ត្រចតុកោណរបស់រាជរដ្ឋាភិបាល ក្រោមការដឹកនាំដ៏ឈ្លាសវៃរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ។
បច្ចុប្បន្ននេះ នាយកដ្ឋានអភិវឌ្ឍន៍មានដាំដុះដំណាំបន្លែលេីកទឹក (Hydroponic) ស្វាយ ការ៉ុត ផលិតផលកែច្នៃម្ហូបអាហារមានដូចជា ប្រហុក ត្រីងៀត ផ្អក ត្រីឆ្អេី សាច់ក្រក ។ ល។ ហេីយបាននឹងកំពុងលក់នៅតាមបណ្តាទីផ្សារមួយចំនួនទៀតផង៕
