ដេប៉ូលក់ខ្សាច់នៅចាក់អង្រែ ចាប់ផ្ដេីមបង្ករឲ្យមានការប៉ះពាល់ដល់បរិស្ថានបណ្ដេីរៗហេីយ
ភ្នំពេញ៖ ដេប៉ូលក់ខ្សាច់មួយកន្លែង ក្នុងសង្កាត់ចាក់អង្រែក្រោម ដែលបូមខ្សាច់ចេញពីសាឡង់បូមខ្សាច់ យកមកធ្វេីជាទំនប់ខ្ពស់ៗ ដេីម្បីស្តុកទុកក្នុងដេប៉ូ ដោយប្រេីអេស្កាវ៉ាទ័រ កាយខ្សាច់ដាក់រថយន្តដឹកខ្សាច់ធុនធំ យកទៅចែកចាយតាមតម្រូវការរបស់ឈ្មូញដែលជាអ្នក(កម្មង់)នោះ គឺស្ថិតនៅភូមិទួលរកា១ ជាប់មជ្ឈមណ្ឌលទេសចរណ៍ និងកម្សាន្ត WB-ARENA ជាប់ដងផ្លូវជាតិលេខ២ ។
ដេប៉ូលក់ខ្សាច់នេះ សព្វថ្ងៃចាប់ផ្ដេីមបង្ករឲ្យមានការប៉ះពាល់ដល់បរិស្ថានបណ្ដេីរៗហេីយ មួយវិញទៀតធ្វើអោយស្ទះលូដោយសារខ្សាច់ទាំងអស់នោះ ជាប់ជាមូយកង់រថយន្ត មិនបាញ់លាងសម្អាតឲ្យបាន ត្រឹមត្រូវទេមុនចេញពីដេប៉ូ ខ្សាច់ពេញផ្លូវ ហេីយបាញ់លាងបញ្ចូលលូ ឥលូវឃេីញច្បាស់នឹងភ្នែកហេីយ គឺក្នុងលូខ្សាច់ស្ទះពេញ ទៅហេីយ ដែលជាប្រភពមាត់លូសំរាប់អោយ ទឹកហូរចេញទៀតផង នៅពេលភ្លៀងទឹកគ្មានកន្លែងហូរ ធ្វេីឲ្យលិចមួយចំហៀងផ្លូវជាតិលេខ២ ដូចកាលពីយប់ថ្ងៃទី២០ ខែមិថុនា ឆ្នាំ២០២១នេះ ។
