កំពុងធ្វើសកម្មភាពចែកចាយ ប៉ូលីសទួលគោកឃាត់ខ្លួនជនសង្ស័យបានម្នាក់ដកហូតគ្រឿងញៀនបានជាង១០កញ្ចប់
ភ្នំពេញ៖ ជនសង្ស័យម្នាក់ត្រូវបានកំលាំងល្បាត
សហប៉ុស្តីនៃអធិការដ្ឋាននគរបាលខណ្ឌទួលគោកធ្វើការឃាត់ខ្លួន ខណៈដែលជនសង្ស័យរូបនេះកំពុងតែធ្វើសកម្មភាពចែកចាយ ជាក់ស្តែង ដោយមានថ្នាំញៀនជាប់ខ្លួនជាង១០កញ្ចប់។
ជនសង្ស័យត្រូវបានឃាត់ខ្លួនកាលពីរាត្រី ថ្ងៃពុធ ១១កើត ខែស្រាពណ៍ ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី២២ ខែសីហា គ.ស២០១៨ វេលាម៉ោង ២១និង៤០នាទីនៅចំណុចច្រកធ្យូង ផ្លូវ៣៣៦ក្រុម២៦ ភូមិ១០ សង្កាត់បឹងសាឡាង ខណ្ឌទួលគោក រាជធានីភ្នំពេញ ។
ជនសង្ស័យ ឈ្មោះ ម៉ូ សុខហេង ហៅស្វិត ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបន្ទប់ជួល ផ្លូវ២៤៧ ក្រុម២៦ ភូមិ១០សង្កាត់បឹងសាឡាងខណ្ឌទួលគោក ។
មន្ត្រីប៉ូលីសខណ្ឌទួលគោកបានអោយដឹងថា នៅមុនពេលកើតហេតុកំលាំងល្បាតសហប៉ុស្តីនៃអធិការដ្ឋាន
នគរបាលខណ្ឌទួលគោកបានល្បាតក្នុងមូលដ្ឋាន ខណៈល្បាតមកដល់ចំណុចច្រកធ្យូងក៏បានឃើញជនសង្ស័យកំពុងធ្វើសកម្មភាពចែកចាយថ្នាំញៀន ទើប ប៉ូលីសទួលគោកឃាត់ខ្លួនតែម្តង។
ក្នុងការឃាត់ខ្លួននេះសមត្ថកិច្ចដកហូតបាន ១-ក្រាមពណ៌សថ្លាចំនួន១១កញ្ចប់តូច (សង្ស័យជាគ្រឿងញៀន)។ ២-ទូរសព្ទដៃចំនួន០១គ្រឿង ម៉ាកsingtel ch មានសុីមលេខ ០៩៦ ២២៦ ៤៥៩០។
បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរ និងកសាងសំណុំរឿងបញ្ជូនទៅ សាលាដំបូងរាជធានីភ្នំពេញ ចាត់ការតាមផ្លូវច្បាប់ ៕
