រយៈពេល៦ខែ សមត្ថកិច្ចបង្ក្រាបបទល្មើសគ្រឿងញៀន ៣.១៤៩ករណី ឃាត់ខ្លួនជនសង្ស័យ ៧.០៥៣កនាក់ សារធាតុញៀនគ្រប់ប្រភេទ ៨១៨គីឡូក្រាម
ភ្នំពេញ ៖ យោងតាមរបាយការណ៍ របស់មន្ទីរប្រឆាំងបទល្មើសគ្រឿងញៀន បានឲ្យបង្ហាញថា ការអនុវត្តន៍ច្បាប់រយៈពេល ៦ខែ ពីថ្ងៃទី១ ខែមករា ដល់ថ្ងៃទី២៥ ខែមិថុនា ឆ្នាំ២០២១ កម្លាំងជំនាញបង្ក្រាបករណីគ្រឿងញៀនសរុប ៣១៤៩ករណី ឃាត់មនុស្ស៧០៥៣នាក់ ស្រី ៣៧៧នាក់ (ជនបរទេស ១២០នាក់ ស្រី ១០នាក់ មាន ៨សញ្ជាតិ) ។
កម្លាំងជំនាញបង្ក្រាបករណីគ្រឿងញៀនសរុប ៖ ១-ជួញដូររក្សាទុក កែច្នៃ ចាត់ចែង ២០៦៦ករណី ឃាត់ ៤០៥៤នាក់ (ស្រី ២៨៩នាក់) និងដាំដុះ ២៤ករណី ឃាត់ ៦នាក់(ស្រី ៣នាក់) ។ ២-ប្រើប្រាស់ ១០៥៩ករណី ឃាត់ ២៩៩៣នាក់ (ស្រី ១១៨នាក់)។ ៣-អនុវត្ដន៍ដីកា ២១៤ដីកា ឃាត់ ២០០នាក់ (ស្រី ៧នាក់)។ ៤ -សារធាតុញៀនគ្រប់ប្រភេទ ៨១៨គីឡូក្រាម ៤៣៦,១២ក្រាម និងកញ្ឆា ១៤,០៩០ដើម កញ្ឆាស្ងួត ៦៣គីឡូក្រាម ១១០,៩៥ក្រាម។ ៥ -សម្ភារៈចាប់យកមាន រថយន្ដ ៤៧គ្រឿង ម៉ូតូ ៨១៨គ្រឿង ទូរស័ព្ទ ២៧៨១គ្រឿង ជញ្ជីង ១៣៣គ្រឿង អាវុធខ្លី ៥ដើម អាវុធវែង ១៨ដើម (កែច្នៃ១១ដើម)។ ៦ -លុយខ្មែរ ៨,៩៨៧,៤០០ រៀល, លុយអាមេរិច ១,២៦៦ដុល្លារ, លុយថៃ ២៤,១២០បាត និងលុយវៀតណាម ២១,០០០ ដុង ៕
