នគរបាលល្បាត ពួនស្ទាក់នៅក្នុងមូលដ្ឋាន ប្រទះឃើញម៉ូតូជនរងគ្រោះ ដែលជនសង្ស័យមួយក្រុម ធ្វើសកម្មភាពវាយ ប្លន់ យកទៅលាក់ទុកបម្រុងលក់
ភ្នំពេញ៖អធិការដ្ឋាននគរបាលខណ្ឌពោធិ៍សែនជ័យ វរសេនីយ៍ទោ ម៉ន វុធី បានថ្លែងថា នៅព្រឹកថ្ងៃទី ២៧ ខែ មិថុនា ឆ្នាំ២០២១ លោកវរសេនីយ៍ឯក ម៉ន វុធី អធិការនៃអធិការដ្ឋាននគរបាលខណ្ឌពោធិ៍សែនជ័យ បានដឹកនាំមន្ត្រីនូវក្រោមឱវាទ ចុះតាមស្រាវជ្រាវ និងល្បាតពួនស្ទះនៅក្នុងមូលដ្ឋាន រហូតដល់ប្រទះឃើញម៉ូតូជនរងគ្រោះ ដែលជនសង្ស័យមួយក្រុមធ្វើសកម្មភាព វាយប្លន់យកទៅលាក់ទុក បំរ៉ុងលក់បន្តមកវិញ ដេីម្បីប្រគល់ជូនជនរងគ្រោះ។
បន្ទាប់ពីមានករណីវាយប្លន់យកម៉ូតូកាលពីយប់ថ្ងៃទី២៦ ឈានចូលថ្ងៃទី២៧ខែមិថុនា ឆ្នាំ ២០២១ ស្ថិតនៅភូមិព្រៃព្រីងខាងជេីង សង្កាត់ចោមចៅទី៣ខណ្ឌពោធិ៍សែនជ័យ។
បច្ចុប្បន្នកម្លាំងនគរបាលប៉ុស្តិ៍រដ្ឋបាលសង្កាត់ចោមចៅទី៣ បានប្រគល់ម៉ូតូជូនជនរងគ្រោះឈ្មោះ ប៉ែន អេរ៉ាក់ ភេទប្រុសអាយុ១៨ឆ្នំា មុខរបរដឹកអីវ៉ាន់ ស្នាក់នៅភូមិទួលរកាកូស សង្កាត់ព្រៃស ខណ្ឌដង្កោ រាជធានីភ្នំពេញ ក្នុងករណីដែលជនសង្ស័យ ធ្វើសកម្មភាពវាយប្លន់៕
