ឪពុកចុងត្រូវបានចាប់ខ្លួន ក្រោយធ្វើទារុណកម្ម លេីក្មេងស្រី អាយុ២ឆ្នំារហូតដល់ស្លាប់
ភ្នំពេញ៖ អង្គភាពការពារកុមារបានឲ្យដឹងថា បុរសអាយុ២៩ឆ្នាំម្នាក់ត្រូវបានកម្លាំង សមត្ថកិច្ចឃាត់ខ្លួន និងចោទពីបទឃាតកម្មទៅ លើកូនស្រីចុងអាយុ០២ឆ្នាំរបស់ខ្លួន។
ជាលទ្ធផលនៃការស៊ើបអង្កេតទៅលើការស្លាប់របស់កុមារីអាយុ០២ឆ្នាំនៅរាជធានីភ្នំពេញ កាលពីថ្ងៃទី៣០ ខែមិថុនា បុរសអាយុ២៩ឆ្នាំម្នាក់ ត្រូវជាឪពុកចុងរបស់កុមារីរងគ្រោះ ត្រូវបានបញ្ជូនទៅ កាន់សាលាដំបូងរាជធានីភ្នំពេញ ដើម្បីធ្វើការផ្តន្ទាទោសពីបទឃាតកម្មទៅលើកុមារ។
អង្គភាពការពារកុមារបញ្ជាក់ថា សេចក្តីបំភ្លឺដំបូងរបស់ ជនសង្ស័យដែលរៀបរាប់ អំពីមូលហេតុបង្កអោយមាន របួសជាច្រើនដែលមាននៅ លើសាកសពកុមារីរងគ្រោះ គឺមិនសមស្របសម្រាប់យើង ហើយបន្ទាប់ពីការស៊ើបអង្កេតបន្ថែម និងការធ្វើកោសល្យវិច័យ សាកសពកុមារីរងគ្រោះ យើងមានភ័ស្តុតាងជាក់ស្តែង បង្ហាញថាកុមារីនេះត្រូវបាន គេវាយយ៉ាងឃោរឃៅ រហូតដល់ទទួលមរណភាព។ លោក James McCABE នាយកប្រតិបត្តិ អង្គភាពការពារកុមារ (CPU) បានថ្លែង។
អង្គភាពការពារកុមារបន្ថែមថា ពេលដែលយើងបង្ហាញភ័ស្តុតាង កោសល្យវិច័យទាំងនេះ ទៅកាន់ជនសង្ស័យ គេក៏បានសារភាពពីបទល្មើស និងបានរៀបរាប់យ៉ាងពេញលេញ អំពីសកម្មភាពហឹង្សាទៅ លើកុមាររងគ្រោះ។ 
