ជនសង្ស័យ១ក្រុម កំពុងរៀបចំឧបករណ៍ ចេញធ្វើសកម្មភាពលួច ត្រូវសមត្ថកិច្ចក្របួចជាប់
ភ្នំពេញ ៖ ដល់ថ្ងៃអស់លក្ខណ៍ នគរបាលប៉ុស្តិ៍រដ្ឋបាលសង្កាត់កាកាបទី១ចាប់ជនសង្ស័យចំនួន១ក្រុមរៀបចំឧបករណ៍ ប៉ុនប៉ងធ្វើសកម្មភាពលួច នៅយប់ថ្ងៃទី៦ ឈានចូលថ្ងៃទី៧ ខែ កក្កដា ឆ្នាំ២០២១ ស្ថិតនៅតាមបណ្ដោយផ្លូវបេតុង ក្នុងភូមិតាងួន២ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
លោកវរសេនីយ៍ត្រី ទូច ទី នាយប៉ុស្តិ៍រដ្ឋបាលសង្កាត់កាកាបទី១ បានដឹកនាំមន្ត្រីនៅក្រោមឱវាទ ក្រោមការបញ្ជាផ្ទាល់ពីលោកវរសេនីយ៍ឯក ម៉ន វុធី អធិការនៃអធិការដ្ឋាននគរបាលខណ្ឌពោធិ៍សែនជ័យ ចុះល្បាតពួនស្ទះ ដេីម្បីការពារសន្តិសុខ សុវត្ថិភាព ជូនប្រជាពលរដ្ឋមូលដ្ឋាន ស្រាប់តែប្រទះឃើញជនសង្ស័យចំនួន១ក្រុម ប៉ុនប៉ងធ្វើសកម្មភាពលួច ។
ភ្លាមៗនោះកម្លាំងនគរបាលក៏ឃាត់ខ្លួនជនសង្ស័យ រួមនឹងវត្ថុតាង ម៉ូតូចំនួន១គ្រឿង,ដែកកែច្នៃសម្រាប់កាច់កម៉ូតូចំនួន១,កូនសោរខ្សៀចំនួន១, ដែកកាប់ចំនួន១ និងសម្ភារៈមួយចំនួនទៀត យកមកសួរនាំនូវប៉ុស្តិ៍។
បច្ចុប្បន្នជនសង្ស័យត្រូវបានកម្លាំងនគរបាលប៉ុស្តិ៍រដ្ឋបាលសង្កាត់កាកាបទី១ កំពុងសាកសួរ ដេីម្បីកសាងសំណុំរឿងបញ្ជូនទៅកាន់ ជំនាញនៃអធិការខណ្ឌចាត់ការបន្ត៕
