បុរសម្នាក់ ត្រូវឃាតករ កាប់ដាច់ក្បាល យកសពទម្លាប់ក្នុងទឹកអូរ នៅខេត្តពោធិ៍សាត់
ពោធិ៍សាត់៖ បុរសចំណាស់ម្នាក់ ដែលបាត់ខ្លួនចេញពីផ្ទះ រយៈពេលមួយថ្ងៃ ត្រូវបានប្រទះឃើញស្លាប់ក្នុងទឹកអូរក្នុងភូមិ ដោយដាច់ក្បាល។ នគរបាលមូលដ្ឋានបានសន្និដ្ឋានថា នេះជាករណីឃាតកម្ម ដោយឃាតករកាប់ជនរងគ្រោះ ដាក់ក្បាលចេញពីខ្លួន ទុកសពក្នុងទឹកស្ទឹង។ ចំណែកក្បាលជនរងគ្រោះ មិនត្រូវបានសមត្ថកិច្ច ក៏ដូចជា សាច់ញាតិ រកឃើញនោះទេ សង្ស័យហូរតាមទឹកទៅទីឆ្ងាយបាត់ហើយ។ ករណីនេះកើតឡើងក្នុងប្រឡាយទឹកអូរ ស្ថិតនៅចំណុចភូមិជ្រេស ឃុំសន្ទែ ស្រុកភ្នំក្រវ៉ាញ ខេត្តពោធិ៍សាត់ ដែលសាកសពត្រូវបានប្រជាពលរដ្ឋប្រទះឃើញ កាលថ្ងៃទី២៤ ខែសីហា ឆ្នាំ២០១៨ ។
ទាក់ទងនឹងអំពើឃាតកម្ម សមត្ថកិច្ចបានធ្វើការសន្និដ្ឋានជំហានដំបូងថា ជាករណីចងគំនុំ ហើយកំពុងធ្វើការស៊ើបអង្កេតស្រាវជ្រាវ រកជនដៃដល់ មកផ្ទន្ទាទោសតាមច្បាប់ ។ នៅពេលនេះសមត្ថកិច្ច មិនទាន់បញ្ជាក់អំពីអត្តសញ្ញាណរបស់ជនរងគ្រោះនៅឡើយ ៕
