នគរបាលខណ្ឌប្ញស្សីកែវ បង្រ្កាបជាក់ស្ដែង ករណីជួញដូរ នូវសារធាតុញៀន ជិត៣០កញ្ខប់ និងឃាត់ខ្លួនមនុស្ស២នាក់

ភ្នំពេញ ៖ នៅថ្ងៃទី១៦ ខែសីហា ឆ្នាំ២០២១ វេលាម៉ោង ១៤និង៣០ នាទី កំលាំងជំនាញនគរបាលខណ្ឌប្ញស្សីកែវ បានល្បាតក្នុងមូលដ្ឋាន និងបង្ក្រាបជាក់ស្ដែង នូវករណីជួញដូរដោយខុសច្បាប់នូវសារធាតុញៀន ត្រង់ចំណុច ភូមិ ខ សង្កាត់ច្រាំងចំរេះ២ ដោយបានធ្វើការឃាត់ខ្លួន ជនសង្ស័យចំនួន០២នាក់ និងថ្នាំញៀនជិត៣០កញ្ចប់តូច-ធំ ។

លោក ហ៊ាង ថារ៉េត អធិការខណ្ឌប្ញស្សីកែវ បានអោយដឹងថា ជនសង្ស័យទាំង២នាក់នេះ ១-ឈ្មោះ ខ្មន ភេទ ប្រុស អាយុ ១៩ឆ្នាំ មានទីលំនៅ ភូមិ ខ សង្កាត់ ច្រាំងចំរេះទី២ ខណ្ឌ ឬស្សីកែវ រាជធានីភ្នំពេញ មុខ មិនពិតប្រាកដ។
២-ឈ្មោះ លឹម ស្រីកែវ ភេទ ស្រី អាយុ ២៦ ឆ្នាំ ជនជាតិ ខ្មែរ មានទីលំនៅ ភូមិ ខ សង្កាត់ ឬស្សីកែវ រាជធានីភ្នំពេញ មុខរបរ មិនពិតប្រាកដ។ – សម្ភារ:ដកហូត:
– ក្រាមពណ៌សថ្លាសង្ស័យជាគ្រឿងញៀនចំនួន ២៨កញ្ចប់តូចនឹង០១កញ្ចប់ធំល្មម ។
បច្ចុប្បន្ន កំលាំងជំនាញខណ្ឌ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនីតិវិធី ៕