លោកអភិបាលខណ្ឌចំការមន នាំអភិបាលរងខណ្ឌ . នាយករដ្ឋបាល .មន្រ្តីរដ្ឋបាលខណ្ឌចុះធ្វើពលកម្មសម្អាត់អនាម័យ បរិស្ថានក្នុងបរិវេណសាលារៀន

ភ្នំពេញ៖កាលពីព្រឹកថ្ងៃទី១០ខែកញ្ញាឆ្នាំ២០២១នេះលោកថេង សុថុល អភិបាលខណ្ឌចំការមនដែលអមដំណើរដោយអស់លោក,លោកស្រីជាអភិបាលរងខណ្ឌ .នាកយ .នាយករង .អង្គភាពចំណុះរដ្ឋបាល .សង្កាត់ទន្លេបាសសាក់ និង គណៈគ្រប់គ្រង់វិទ្យាល័យពោលគឺមានលោកគ្រូ អ្នកគ្រូព្រមទាំងក្មួយៗជាសិស្សានុសិស្សនៃវិទ្យាល័យហ៊ុន សែន ប៊ុនរ៉ានីផ្សារដើមថ្កូវ និង កម្លាំងសណ្ដាប់ធ្នាប់ខណ្ឌ សង្កាត់ជាច្រើនរូបទៀតដោយបានចុះមកធ្វើពលកម្មសម្អាតអនាម័យ បរិស្ថានដោយធ្វើការឈូសឆាយស្មៅ និង ប្រម៉ែប្រមូលកើបកាយសំរាមនៅតាមមាត់លូ ,អណ្ដូងលូនៅក្នងបរិវេណសាលានិងនៅជុំវិញរបងសាលារៀនអោយបានល្អប្រសើរមានផាសុខភាព ហើយជាមួយគ្នានោះក៏បានបាញ់ថ្នាំសម្លាប់មេរោគនៅក្នុងបរិវេណសាលានិងនៅតាមបន្ទប់នៃថ្នាក់រៀននិមួយៗក្នុងមូលដ្ឋានខណ្ឌចំការមននៃរាជធានីភ្នំពេញដើម្បីបើកដំណើរអោយក្មួយៗជាសិស្សានុសិស្សចូលសិក្សារៀនសូត្រឡើងវិញនៅពេលឆាប់ៗខាងមុខនេះពោលគឺនៅថ្ងៃទី១៥ខែកញ្ញាឆ្នាំ២០២១។
ជាមួយគ្នានេះផងដែរលោកថេង សុថុលអភិបាលខណ្ឌចំការមនបានមានមតិលើកឡើងដោយសូមថ្លែងអំណរអរគុណយ៉ាងជ្រាលជ្រៅជូនចំពោះក្រុមការងារដោយបានជួយមកបាញ់ថ្នាំសម្លាប់មេរោគនៅតាមថ្នាក់រៀននិមួយៗដើម្បីសម្លាប់មេរោគផ្សេងៗ ។
ឆ្លៀតក្នុងឱកាសនោះផងដែរលោកអភិបាលខណ្ឌចំការមនថេង សុថុលក៏បានស្នើរ
ដល់បងប្អូនប្រជាជនក្នុងមូលដ្ឋានខណ្ឌចំការមនទាំងអស់អោយបន្ដចូលរួមអនុវត្ដវិធានការរបស់ក្រសួងសុខាភិបាល និង ចូលរួមគោរពតាមអនុសាសន៍ដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ” បីការពារ បីកុំ “ដើម្បីសុវត្ថិភាពដល់យើងទាំងអស់គ្នា៕