រដ្ឋសភា អនុម័តយល់ព្រម លើគម្រោងចំណាយថវិការដ្ឋសភា ឆ្នាំ២០២២

ភ្នំពេញ៖ អគ្គលេខាធិការដ្ឋានរដ្ឋសភា នៅថ្ងៃទី២០ ខែកញ្ញា ឆ្នាំ២០២១នេះ បានចេញសេចក្តីប្រកាសព័ត៌មាន ពីលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍នរដ្ឋសភា ក្រោម អធិបតីភាពដ៏ខ្ពង់ខ្ពស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា តាមប្រព័ន្ធវីដេអូ។

តាមសេចក្ដីប្រកាសព័ត៌មាន បានបញ្ជាក់ថា អង្គប្រជុំបានអនុម័តយល់ព្រម លើគម្រោងចំណាយថវិការដ្ឋសភាឆ្នាំ២០២២ ហើយបញ្ជូនទៅ ក្រសួងសេដ្ឋកិច្ច និងហិរញ្ញវត្ថុ ដើម្បីដាក់បញ្ចូលទៅក្នុងគម្រោងថវិកាជាតិ តាមការកំណត់ក្នុងច្បាប់ ស្តីពីប្រព័ន្ធហិរញ្ញវត្ថុសាធារណៈ៕