អភិបាលខណ្ឌកំបូល ទទួលអំណោយពីអគ្គនាយកក្រុមហ៊ុន Sokan Transport Pte Ltd. សម្រាប់ទប់ស្កាត់ការឆ្លងរាលដាលជំងឺកូវីដ-១៩

ភ្នំពេញ៖នៅព្រឹកថ្ងៃទី២២ ខែកញ្ញា ឆ្នាំ២០២១ លោក ឃឹម ស៊ុនសូដា អភិបាលខណ្ឌកំបូល បានជួបសំណេះសំណាលជាមួយ លោក ឧកញ៉ា ឈឹម សុកន អគ្គនាយកក្រុមហ៊ុន Sokan Transport Pte Ltd. និងទទួលអំណោយទឹកសុទ្ធចំនួន ៨០កេស មីចំនួន ៥០កេស ដើម្បីចូលរួមចំណែកជាមួយរដ្ឋបាលខណ្ឌ ក្នុងគោលបំណងទប់ស្កាត់ការឆ្លងរាលដាលជំងឺកូវីដ-១៩ ក្នុងសហគមន៍២០ កុម្ភៈ ឆ្នាំ២០២១ ដែលបច្ចុប្បន្នរដ្ឋបាលខណ្ឌបាននឹងកំពុងធ្វើយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋរស់នៅក្នុងខណ្ឌកំបូល។

ក្នុងនាមក្រុមប្រឹក្សាខណ្ឌ និងប្រជាពលរដ្ឋខណ្ឌកំបូលទាំងមូល លោកអភិបាលខណ្ឌកំបូលថ្លែងអំណរគុណនិងសូមប្រសិទ្ធិពរជ័យជូនដល់លោកឧកញ៉ា ឈឺម សុកន និងក្រុមគ្រួសារ ព្រមទាំងបុគ្គលិកក្រុមហ៊ុន Sokan Transport Pte Ltd.សូមជួបតែពុទ្ធពរទាំង៤ប្រការជាពិសេសសូមឲ្យក្រុមហ៊ុនទទួលបានជោគជ័យ កាន់តែមានភាពរីកចម្រើន និងមានអតិថិជនគាំទ្រជានិច្ច៕