ក្រសួងរ៉ែ និងថាមពល ចេញសេចក្តីប្រកាសព័ត៌មាន ជុំវិញបច្ចុប្បន្នភាពនៃនាវា MT Strovolos និងក្រុមនាវិក ដែលត្រូវបានចាប់ខ្លួន ពាក់ព័ន្ធបទល្មើសលួចប្រេងឆៅរបស់កម្ពុជា

ភ្នំពេញ៖ ក្រសួងរ៉ែ និងថាមពល នៅព្រឹកថ្ងៃទី៣០ ខែកញ្ញានេះ បានចេញសេចក្តីប្រកាសព័ត៌មាន ជុំវិញបច្ចុប្បន្នភាពនៃនាវា MT Strovolos និងក្រុមនាវិក ដែលត្រូវបានចាប់ខ្លួន ពាក់ព័ន្ធបទល្មើសលួចប្រេងឆៅរបស់កម្ពុជា។

សេចក្តីប្រកាសព័ត៌មាននៅព្រឹកនេះបានបញ្ជាក់ថា គោលបំណងនៃសេចក្តីប្រកាសព័ត៌មាននេះ ធ្វើឡើងដើម្បីធ្វើបច្ចុប្បន្នភាព នៃការវិវឌ្ឍពាក់ព័ន្ធនឹងនាវា MT Strovolos និង ក្រុមនាវិករបស់នាវានេះ និង ដើម្បីកែតម្រូវនូវព័ត៌មានបំភ្លៃការពិតមួយចំនួន ដែលត្រូវបានផ្សព្វផ្សាយនៅក្នុងសារព័ត៌មានមួយចំនួន នាពេលថ្មីៗនេះ។