ប្រធានមន្ទីរពេទ្យបង្អែក ស្រុកកៀនស្វាយ ធ្វើកិច្ចការងារ២ ទទួលជោគជ័យ..!

កណ្ដាល៖លោកនង វណ្ណា ប្រធានមន្ទីរពេទ្យបង្អែកស្រុកកៀនស្វាយបានប្រាប់អោយដឹងថាសម្រាប់ថ្ងៃនេះទី០៦ខែតុលាឆ្នាំ២០២១ត្រូវនិងថ្ងៃពិធីបុណ្យភ្ជុំបិណ្ឌដែលជាបុណ្យប្រពៃខ្មែរដោយបងប្អូនប្រជាជនទូទៅនិយាយជារួមនិងនិយាយដោយឡែកនៅក្នុងមូលដ្ឋានស្រុកកៀនស្វាយដែលមាន៨ឃុំគឺពួកគាត់នាំគ្នាធ្វើចង្ហាន់និងបច្ច័យ ,ទេយ្យទានយកទៅកាន់ទីវត្តអារាមនានាដើម្បីប្រគេនដល់ព្រះសង្ឃតាមជំនឿរាងៗខ្លួន។ប៉ុន្តែសម្រាប់ក្រុមគ្រូពេទ្យបង្អែកស្រុកកៀនស្វាយឯណេះវិញគឺនៅបន្តសកម្មភាពការងាររបស់ខ្លួនពោលគឺជួយសំរាលបុត្រចំពោះស្ត្រីដែលមានជម្ងឺកូវីត១៩បានដោយជោគជ័យក្នុងថ្ងៃភ្ជុំបិណ្ឌនាឆ្នាំនេះ២០២១នៅមន្ទីរពេទ្យបង្អែក កៀនស្វាយដែលមានទីតាំងនៅស្របបណ្ដោយផ្លូវជាតិលេខ១ហួសសាលាស្រុកកៀនស្វាយចំងាយប្រហែលជា១គីឡូម៉ែត្រតែប៉ុណ្ណោះ។ហើយក្នុងថ្ងៃដដែលនេះដែរក្នុងនាមប្រធានមន្ទីរពេទ្យបង្អែកស្រុកកៀនស្វាយដោយបានបន្តការងារដោយចូលរួមយ៉ាងផុលផុសជាមួយគណៈបញ្ជាការឯកភាពស្រុកកៀនស្វាយដោយយកអំណោយទៅជូនបងប្អូនប្រជាជនដែលពួកគាត់កំពង់សម្រាកព្យាបាលជំងឺកូវីដ១៩ទុកពិសា នាឱកាសពិធីបុណ្យភ្ជុំបិណ្ឌ។ដូចនេះសូមជូនពរដល់បងប្អូនឆាប់ជាសះស្បើយពីជំងឺកូវីដ១៩និងបានវិលត្រឡប់ទៅគេហដ្ឋានវិញផងដែរហើយនៅពេលបានជាសះស្បើយពីជំងឺកូវីដ១៩សូមបងប្អូនបន្តអនុវត្តន៍អោយបានខ្ជាប់ខ្ជួនតាមការណែនាំរបស់ក្រសួងសុខាភិបាល និង វិធានការ«៣ការពារ និង ៣កុំ»គឺដើម្បីសុវត្ថិភាពដល់យើងទាំងអស់គ្នានិងក្រុមគ្រួសារយើងផងដែរ៕