ស្លាប់អ្នកជិះម៉ូតូក្នុងគ្រោះថ្នាក់ចរាចររវាងរថយន្តបុកម៉ូតូ

គ្រោះថ្នាក់ចរាចររវាងរថយន្តបុកម៉ូតូនៅភូមិកាប៉ូ សង្កាត់អូរឬស្សី ក្រុងក្រចេះ កាលពីយប់ថ្ងៃទី៣១ សីហា បណ្តាលឱ្យបុរសម្នាកស្លាប់ ហើយអ្នកបើករថយន្តបង្កបានរត់គេចខ្លួនបាត់ បន្សល់ទុកតែរថយន្ត នៅកន្លែងកើតហេតុ។

នគរបាលខេត្តក្រចេះ បានឱ្យដឹងថា បុរសជាអ្នកជិះម៉ូតូម្នាក់ឈ្មោះ អាន វ៉ាន់ថន អាយុ២៣ឆ្នាំ រស់នៅភូមិម្រ៊ើម ឃុំដារ ស្រុកចិត្របុរី ត្រូវបានស្លាប់នៅនិងកន្លែង បន្ទាប់ពីជនរងគ្រោះបានជួប ក្រោយពីកើតហេតុអ្នកបើករថយន្តបានរត់គេចខ្លួន បន្សល់ទុកតែរថយន្តសាំយ៉ុង១គ្រឿង ស្លាកលេខក្រចេះ 2A 3031 ហើយក៏ត្រូវបាននគរបាលក្រុងក្រចេះ នាំមករក្សាទុក ដើម្បីដោះស្រាយតាមនីតិវិធី៕