ព្រះរាជពិធីរំលឹកខួប៩ឆ្នាំ នៃការយាងចូលទិវង្គត របស់ព្រះករុណា ព្រះមហាវីរព្រះក្សត្រព្រះនរោត្តម សីហនុ ១៥ តុលា ២០១២ – ១៥ តុលា ២០២១

ភ្នំពេញ ៖ ចងចាំជានិច្ចព្រះរាជគុណូបការៈព្រះករុណា ព្រះបរមរតនកោដ្ឋ ទូលព្រះបង្គំជាខ្ញុំ ជាកូន ជាចៅ ចៅទួត របស់ព្រះអង្គ នៅតែនឹករលឹកជាពន់ពេក និង សូមព្រះបរមរាជានុញ្ញាតចូលរួមរំលែកព្រះរាជកុសលជាមួយ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និង សម្ដេចព្រះមហាក្សត្រី នរោត្តម មុនិនាថ សីហនុ ដោយ ការស្រណោះ អាឡោះអាល័យ ជាអនេកប្បការ ចំពោះការយាងចូលទិវង្គតនៃ ព្រះករុណា ព្រះបាទសម្ដេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាជាតិ ព្រះបរមរតនកោដ្ឋ និងសូមព្រះវិញ្ញាណកូន ព្រះអង្គយាងទៅសោយព្រះបរមសុខក្នុងព្រះសុគតិភពកុំបីឃ្លៀងឃ្លាតឡើយ ។

ក្រាបបង្គំទូលថ្វាយពី ទូលព្រះបង្គំជាខ្ញុំ ឃួង ស្រេង អភិបាលនៃគណៈអភិបាលរាជធានីភ្នំពេញ និង ភរិយា ជា ស៊ីណា ឃួង ស្រេង ព្រមទាំងមន្ត្រីរាជការក្រោមឱវាទរដ្ឋបាលរាជធានីភ្នំពេញទាំងអស់។ ទូលព្រះបង្គំជាខ្ញុំ ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ និង ភរិយា៕