យានអវកាស Shenzhou-13បានបង្ហោះ យ៉ាងជោគជ័យ និងជាលើកដំបូង ដែលបានផ្ទៀងផ្ទាត់ ការងារយ៉ាងឆាប់រហ័ស

ប្រទេសចិន ៖ យោងតាមសេចក្តីជូនដំណឹងរបស់ការិយាល័យវិស្វកម្មយានអវកាសចិនបានអោយដឹងថា នៅវេលាម៉ោង០០៖២៣នាទីថ្ងៃទី១៦ខែតុលាឆ្នាំ២០២១(ម៉ោងនៅរដ្ឋធានីប៉េកាំង) Long March 2F Y13 ដែលដឹកយានអវកាស Shenzhou-13 ត្រូវបានបាញ់បង្ហោះនៅមជ្ឈមណ្ឌលបាញ់បង្ហោះផ្កាយរណបJiuquan។ យានអវកាសShenzhou-13និងរ៉ុកកែតបានបំបែកចេញពីគ្នាដោយជោគជ័យ និងបានចូលក្នុងគន្លងដែលបានគ្រោងទុក។ អវកាសយានិកទាំង៣រូបមានដូចជាលោកZhai Zhigang លោកស្រីWang Yaping និងលោកYe Guangfu ត្រូវបានបញ្ជូនទៅដល់ទីអវកាសដោយជោគជ័យ ស្ថានភាពរបស់ពួកគេល្អប្រសើរ ទទួលបានភាពជោគជ័យយ៉ាងពេញលេញក្នុងការបង្ហោះ។ ក្រោយពីយានអវកាសShenzhou-13ចូលដល់គន្លង បានសម្រេចការកំណត់ស្ថានភាពចូលគន្លងយ៉ាងជោគជ័យ។ នៅវេលាម៉ោង៦៖៥៦ថ្ងៃទី១៦ ខែតុលា ឆ្នាំ២០២១ (ម៉ោងរដ្ឋធានីប៉េកាំង) បានប្រើប្រាស់យកទម្រង់ប្រព័ន្ធទំនាក់ទំនងឆាប់រហ័សផ្ទៀងផ្ទាត់នៅក្នុងច្រកម៉ូឌុលស្នូលTianhe។ យានអវកាសដឹងទំនិញTianzhou-2 និងTianzhou-3ដែលបានផ្ទៀងផ្ទាត់ជាមួយកាលពីមុនបង្កើតបានជាកាប៊ីនចំនួន៤រួមបញ្ចូលគ្នា ការផ្ទៀងផ្ទាត់ការងារនេះចំណាយពេលវេលាអស់ប្រហែល៦.៥ម៉ោង។ នេះក៏ជាការផ្ទៀងផ្ទាត់ដ៏ឆាប់រហ័សដំបូងដែលបានអនុវត្តក្នុងលំហរបស់យានអវកាសចិន។ យោងតាមផែនការអនុវត្តបេសកកម្ម អវកាសយានិក៣រូបខាងលើនឹងបំលាស់ពីយានអវកាសShenzhou-13ចូលទៅកាន់ម៉ូឌុលស្នូលTianhe៕