នៅសល់តែប៉ុន្មានថ្ងៃទៀតទេ iPhone ស៊េរីថ្មីចេញលក់ហើយ ត្រៀមៗ

កាលពីថ្ងៃព្រហស្បតិ៍ក្រុមហ៊ុន Apple បានផ្ញើលិខិតអញ្ជើញសម្រាប់ព្រឹត្តិការណ៍ដ៏ធំមួយរបស់គេនៅថ្ងៃទី 12 ខែកញ្ញា នៅសាលរបស់លោក Steve Jobs ក្នុងទីក្រុង Cupertino រដ្ឋកាលីហ្វ័រនីញ៉ា។

   សំបុត្រអញ្ជើញនេះមានរង្វង់ពណ៌មាសស្រដៀងទៅនឹងបរិវេណ Apple Park របស់ខ្លួន។ តើនេះវាអាចជាតំរុយមួយទាក់ទងនឹងទូរស័ព្ទ iPhone X ពណ៌មាស?ខណៈពេលដែលព្រឹត្តិការណ៍នេះមិនបញ្ជាក់ថានឹងមានអំពីទូរស័ព្ទ iPhone, ប៉ុន្តែខែកញ្ញា គឺជាធម្មតា ក្រុមហ៊ុន Apple តែងបានធ្វើការប្រកាសរឿងបែបនេះ។ ជាការពិត ក្រុមហ៊ុននេះប្រហែលជានឹងប្រកាសផលិតផលថ្មីមួយចំនួនក្រៅពី iPhone។

ពាក្យចចាមអារ៉ាមបានបង្ហាញថាក្រុមហ៊ុន Apple អាចនឹងចេញលក់ទូរស័ព្ទ iPhone ថ្មីចំនួនបីម៉ូដែលទៀតគឺ  ១ មួយដែលមានអេក្រង់ធំជាងមុខ ២ មួយទៀតមានតម្លៃសមរម្យ មិនសូវថ្លៃ និងមួយគ្រឿងទៀតមានកាមេរ៉ាពិសេសខុសពីមុននៅខាងក្រោយ។

  ក្រុមហ៊ុន Apple ត្រូវបានគេរំពឹងថានឹងបញ្ចេញកំណែ iPhone X ដែលមានទំហំធំជាងនេះគឺប្រហែលជា iPhone X Plus។ ចំពោះតម្លៃ វាមិនមែនជាឧបសគ្គចម្បងសម្រាប់ស្មាតហ្វូនទំនើបទេ រហូតមកដល់ពេលនេះ។ ទោះបី iPhone X ជាទូរស័ព្ទដែលមានតម្លៃថ្លៃជាងគេដែលមិនធ្លាប់មានពីមុនមកគឺ 999 ដុល្លារ,  ប៉ុន្តែ iPhone X គឺជាទូរស័ព្ទលក់ដាច់បំផុតសម្រាប់រយៈពេលបីខែដំបូងនៃឆ្នាំ 2018 បន្ទាប់មកគឺទូរស័ព្ទ iPhone 8 និង 8 Plus។ ជាការពិតណាស់ ចំពោះ iPhone ដែលមានតម្លៃថោកនោះ វានឹងអាចពង្រីកទីផ្សាររបស់ Apple បានច្រើន។

  បន្ថែមពីលើការរចនាម៉ូដនិងការបន្ថែមលក្ខណៈថ្មីមួយចំនួន, Apple ទំនងជានឹងផ្តល់នូវការកែលម្អមួយចំនួនដូចជា វត្ថុធាតុដើមល្អជាងមុន ជម្រើសពណ៌ថ្មីល្បឿនលឿនជាងមុន គុណភាពបង្ហាញអេក្រង់ល្អជាងមុន និងបង្កើនអាយុកាលថ្ម ៕ប្រភពពី Cnet