ម៉ូតូបុកម៉ូតូខ្ទាតចូល រថយន្តកិនរបួសធ្ងន់២នាក់ នៅឃុំកំពង់ស្វាយ

កណ្ដាល៖លោកអធិការប៉ូលិសស្រុកកៀនស្វាយបានអោយដឹងនៅព្រឹកថ្ងៃទី១៩ខែតុលានេះថាដោយស្តីពី: ករណី គ្រោះថ្នាក់ចរាចរណ៍ផ្លូវគោករវាងម៉ូតូបុកម៉ូតូខ្ទាតចូលរថយន្ត បណ្ដាលអោយរងរបួសធ្ងន់០២នាក់និងខូចម៉ូតូធ្ងន់០២ គ្រឿង។

គ្រោះថ្នាក់ចរាចរណ៍នេះកើតឡើងនៅថ្ងៃទី១៨ ខែតុលា ឆ្នាំ២០២១វេលាម៉ោង១៨ និង៣០នាទីនៅលើកំណាត់ផ្លូវលេខ១១០ នៅចំនុចភូមិកំពង់ស្វាយ២ ឃុំកំពង់ស្វាយ ស្រុកកៀនស្វាយ ខេត្តកណ្តាល។

លោកអធិការស្រុកកៀនស្វាយបាននិយាយរៀបរាប់អោយដឹងថានៅថ្ងៃ.ខែ.ឆ្នាំ និងពេលវេលាម៉ោងកើតហេតុខាងលើ មានម៉ូតូមូយគ្រឿងម៉ាក HONDA dream ១២៥ ព៌ណខ្មៅ ប្រភេទស្រី ពាក់ផ្លាកលេខ កណ្តាល ១AH ៤១៧២ បើកបរដោយឈ្មោះសុខា ចន្ថា ភេទប្រុស អាយុ២៧ឆ្នាំ ជនជាតិខ្មែរ មុខរបរ កម្មករលក់គ្រឿងសំណង់ មានទីលំនៅភូមិព្រែកតានប់២ ឃុំកំពង់ស្វាយ ស្រុកកៀនស្វាយ ខេត្តកណ្តាល ដែលបើកមានទិសដៅពីស្អាងទៅភ្នំពេញតាមផ្លូវលេខ១១០។

ពេលបើកមកដលកន្លែងកើតហេតុខាងលើ បានបើកវ៉ារថយន្ត ហើយបានបុកជាមួយម៉ូតូមួយគ្រឿងម៉ាក Honda dream ១២៥ ព៌ណខ្មៅ ប្រភេទស្រី ពាក់ផ្លាកលេខ កណ្តាល ១x ៥៩១៣ បើកបរដោយឈ្មោះលឺន សៅលឿន ភេទប្រុស អាយុ៣៣ឆ្នាំ ជនជាតិខ្មែរ មុខរបរកសិករ មានទីលំនៅ ភូមិព្រែកតាទិន ឃុំស្វាយប្រទាល ស្រុកស្អាង ខេត្តកណ្តាល ដែលបើកមានទិសដៅ ភ្នំពេញទៅស្អាង បណ្តាលអោយភាគីខាងម៉ូតូដែលមានទិសដៅពីស្អាងទៅភ្នំពេញ ដួលខ្ទាតមកស្តាំដៃរបស់ខ្លួនចូលទៅមុខរថយន្តមួយគ្រឿងម៉ាកKia ពណ៌ស ប្រភេទដឹកទំនិញធន់តូច ពាក់ផ្លាកលេខ ភ្នំពេញ ២s ៣២៦១ ដែលមានទិសដៅស្របគ្នា អ្នកបើកបរមិនស្គាល់អត្តសញ្ញាន(គេចខ្លួន) ហើយរថយន្តបានបុកអូសម៉ូតូទៅមុខនិងកិនជនរងគ្រោះបណ្តាលអោយរងរបួសធ្ងន់។

រីឯម៉ូតូនិងរថយន្តបានយកមករក្សាទុកជាភស្តុតាង នៅអធិការដ្ឋាននគរបាលស្រុកកៀនស្វាយ ។
សន្និដ្ឋានបឋម:អ្នកបើកបរម៉ូតូឈ្មោះ សុខា ចន្ថា ភេទប្រុស បានបើកជែងរថយន្តក្នុងស្ថានភាពគ្រោះថ្នាក់ រីឯអ្នកបើកបររថយន្តមិនប្រុងប្រយ័ត្នមិនមើលស្ថានភាពផ្លូវខាងមុខមានឧបសគ្គ(ពេលម៉ូតូដួលខ្ទាតចូល)៕