ក្រុមអន្តរាគមន៍បង្រ្កាបរថយន្ត ផ្ទុកកូនជ្រូកក្លាស់សេចំនួន ១៦០ក្បាល ដែលឈ្មួញលួចនាំចូលមកពីប្រទេសថៃ

បន្ទាយមានជ័យ៖ វេលាម៉ោង ២២ និង ៤៦នាទីយប់ ថ្ងៃទី ០៣ ខែវិច្ឆិការ ឆ្នាំ២០២១ ក្រុមអន្តរាគមន៍បង្ក្រាប បទល្មើសការិយាល័យ សហការជាមួយការិយាល័យប្រឆាំងបទល្មើសសេដ្ឋកិច្ច ខេត្តបន្ទាយមានជ័យឃាត់ចាប់រថយន្តមួយគ្រឿងម៉ាក សាំយ៉ុង ពណ៍សំបកឳឡឹកពាក់ស្លាកលេខ ពោធិ៍សាត់ 2A-1140 ផ្ទុកកូនជ្រូកក្លាស់សេចំនួន ១៦០ក្បាល ដែលឈ្មួញលួចនាំចូលមកពីប្រទេសថៃ នៅត្រង់ចំណុចមុខវត្តខ្លែងពណ៍ ភូមិខ្លែងពណ៍ ឃុំស្លក្រាមស្រុកស្វាយចេក ខេត្តបន្ទាយមានជ័យ បើកបរដោយឈ្មោះ យនសាម៉េត អាយុ ៣៧ឆ្នាំមានទីលំនៅ នៅភូមិស្រឡៅជ្រុំ ឃុំ សិរីមានជ័យ ស្រុកសំពៅលូន ខេត្តបាត់ដំបង ។

ក្រោយពីពិនិត្យជាក់ស្ដែងឃើញថាពុំមានលិខិតអនុញ្ញាតិដឹកជញ្ជូនអ្វើទាំងអស់និងមានការដឹកជញ្ជូនមិនត្រឹមត្រូវតាមបទដ្ឋានបច្ចេកទេស និងមានការប្រែប្រួលសភាពដើម និងមានក្លិនស្អុយ ទើបមន្ត្រីចម្រុះសម្រេចដុតកំទេចចោល នៅវេលាម៉ោង ១២ និង ៣០នាទី រសៀល នៅថ្ងៃទី ៤ ខែវិច្ឆិកា ឆ្នាំ២០២១ ៕