ឆ្លងចរន្តអគ្គិសនី ឆេះផ្ទះចំនួន ៣ ខ្នង នៅចំណុចផ្លូវរថភ្លើង

ភ្នំពេញ ៖ នៅវេលាម៉ោង ១០:០៥ នាទីយប់ ថ្ងៃអាទិត្យ ទី២១ ខែវិច្ឆិកា ឆ្នាំ២០២១ មានករណីអគ្គីភ័យមួយកន្លែង បានកើតឡើង នៅចំណុចផ្លូវ រថភ្លើង ភូមិ២ សង្កាត់ ស្រះចក ខណ្ឌដូនពេញ រាជធានីភ្នំពេញ ។

ម្ចាស់ទីតាំងឈ្មោះ ហយ សែម ភេទ ស្រី អាយុ ពុំដឹងឆ្នាំនិងឈ្មោះ សេន ផេង ភេទប្រុស មុខរបរ កម្មករ ។
មូលហេតុ បណ្តាលមកពីឆ្លងចរន្តអគ្គិសនី ។ ប្រភេទសំណង់ ឈើប្រក់ស័ង្កសី ទំហំ (៥ម៉ែត្រ x ៦ម៉ែត្រ )ខូចខាតសំភារះផ្ទះទំហំ (៤ម៉ែត្រ×៦ម៉ែត្រ) ចំនួន៣ផ្ទះរួមសំភារះមួយចំនួន នឹងពុំបណ្ដាលអោយឆេះរាលដាលដល់ផ្ទះអ្នកជិតខាងឡើយ ។

បានចេញរថយន្តអន្តរាគមន៍ របស់ការិយាល័យពន្លត់អគ្គិភ័យចំនួន ១៥ គ្រឿង ប្រើប្រាស់ទឹកអស់ ១៥ រថយន្តស្មើនឹង ៧៥ ម៉ែត្រគូប៕