ជនសង្ស័យ ៩នាក់ ដែលកាប់យុវជនម្នាក់ ឲ្យរបួសធ្ងន់ ត្រូវនគរបាលខណ្ឌឬស្សីកែវ ស្រាវជ្រាវចាប់វាយខ្នោះ

ភ្នំពេញ ៖ ក្រោយពីទទួលបានបណ្តឹងពីម្តាយជនរងក្រោយ នៅរសៀលថ្ងៃទី២៩ ខែវិច្ឆិកា ឆ្នាំ២០២១នេះ លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឬស្សីកែវ បានឲ្យកម្លាំងជំនាញចុះស្រាវជ្រាវ ឈានទៅឃាត់ខ្លួនជនសង្ស័យ ៩នាក់ ហិង្សាប្រើកាប់បិតតាំងតោ កាប់ជនរងគ្រោះរងរបួសជាទំងន់ កាលវេលាម៉ោង២០”០០នាទី ថ្ងៃទី២៨ ខែ១១ ឆ្នាំ២០២១ នៅចំនុចផ្លូវ៩៣ ក្រុម១៥ ភូមិចុងខ្សាច់ សង្កាត់ទួលសង្កែទី១ ខណ្ឌឬស្សីកែវ ខណៈជនរងគ្រោះកំពុងសំរាកនៅមន្ទីរពេទ្យកាលម៉ែត្រ។

លោកអធិការខណ្ឌប្ញស្សកែវ បានអោយដឹងថា ម្តាយជនរងគ្រោះ ឈ្មោះ សេង ខួច អាយុ ៥៥ឆ្នាំ ស្នាក់នៅផ្ទះលេខ៥៨៧ ផ្លូវបេតុងក្រុម១៥ សង្កាត់ទួលសង្កែទី១ខណ្ឌឬស្សីកែវ បាននិយាយថា កូនប្រុសគាត់ ឈ្មោះ វឿង ចិត្រា អាយុ២៣ឆ្នាំ រៀននៅសាលាសន្ធរម៉ុក ត្រូវក្រុមជនសង្ស័យទាំង៩នាក់ កាប់ត្រូវខ្នង ចំនួន ៣កាំបិត និងក្បាល ២កាំបិត ។

លោក ហ៊ាង ថារ៉េត បានបញ្ជាក់ថា ក្រោយកម្លាំងជំនាញធ្វើការស្រាវជ្រាវ និងឃាត់ខ្លួនបានជនសង្ស័យទាំង៩នាក់ រួមមាន ៖
1-ឈ្មោះ សា រឿនរក្សា អាយុ១៨ឆ្នាំ មុខរបរសិស្សសាលាពាមអ៊ុកញ្ញាអុង ស្នាក់នៅភូមិលើដែក ស្រុកល្វាឯម ខេត្តកណ្តាល (មានសារធាតុញៀន) អវិជ្ជមានកូវិដ។
2-ឈ្មោះប្រាជ្ញ ថាវិរះភេទប្រុសអាយុ១៨ឆ្នាំសិស្សសាលាចតុមុខស្នាក់នៅផ្ទះជួលផ្លូវលំសង្កាត់ទន្លេបាសាក់ចំការមន(មានសារធាតុញៀន)អវិជ្ជមានកូវិដ។
3-ឈ្មោះសែម វិរះឆ័យយុទ្ធភេទប្រុសអាយុ១៨ឆ្នាំមុខរបរនៅផ្ទះស្នាក់នៅផ្លូវបេតុងភូមិ១សង្កាត់ជ្រោយចង្វារខណ្ឌជ្រោយចង្វារ(គ្មានសារធាតុញៀន)អវិជ្ជមានកូវិដ។
4-ឈ្មោះសឿន សុខឡាភេទប្រុសអាយុ១៨ឆ្នាំមុខរបរកម្មករស្នាក់នៅផ្លូវបេតុងភូមិដើមគរសង្កាត់ជ្រោយចង្វារ(មានសារធាតុញៀន)អវិជ្ជមានកូវិដ។
5-ឈ្មោះជឿន ជីវន័្តភេទប្រុសអាយុ១៨ឆ្នាំមុខរបរកម្មករស្នាក់នៅផ្ទះជួលម្តុំរង្សវង់មូលកាំកូសង្កាត់បឹងកក់២ខណ្ឌទួលគោក(មានសារធាតុញៀន)អវិជ្ជមានកូវិដ។
6-ឈ្មោះវឿន វណ្ណះភេទប្រុសអាយុ១៨ឆ្នាំមុខរបរនៅផ្ទះស្នាក់នៅភូមិព្រែកអញ្ចាញស្រុកមុខកំពូលខេត្តកណ្តាល(មានសារធាតុញៀន)អវិជ្ជមានកូវិដ។
7-ឈ្មោះសំ ណាងចំណានភេទប្រុសអាយុ១៨ឆ្នាំមុខរបរសិស្សសាលាទួលទំពូងស្នាក់នៅផ្ទះលេខពុំស្គាល់ផ្លូវលេខ៣៤៨សង្កាត់បឹងកេងកង៣ខណ្ឌបឹងកេងកង(មានសារធាតុញៀន)អវិជ្ជមានកូវិដ។
8-ឈ្មោះសិត បញ្ចបានភេទប្រុសអាយុ១៨ឆ្នាំមុខនៅផ្ទះស្នាក់ផ្លូវបេតុងក្រុម២ភូមិត្នោតជ្រុំសង្កាត់បឹងទំពុនខណ្ឌមានជ័យ(មានសារធាតុញន)អវិជ្ជមានកូវិដ។
9-ឈ្មោះយឹង កុកម៉េងភេទប្រុសអាយុ១៨ឆ្នាំសិស្សសាលាយុទ្ធគន្ធរស្នាក់នៅផ្ទះលេខ៤៨៨ផ្លូវលេខ២៨៨ ភូមិ៥ សង្កាត់បឹងកីងកង២ ខណ្ឌបឹងកីងកង(គ្មានសារធាតុញៀន) អវិជ្ជមានកូវិដ។

ជាមួយគ្នានេះ សមត្ថកិច្ច ដកហូតវត្ថុតាង រួមមាន
១/កាំបិតតាំងតោ២ដើម
២/ដាវ១ដើម
៣/ច្រវ៉ាក់១ខ្សែ
៤/ម៉ូតូ៣គ្រឿង
-ម៉ូតូC125មួយគ្រឿងពាក់ស្លាកលេខPP1iG1266
-ម៉ូតូនិចពណ៍ស១គ្រឿងពាក់ស្លាកលេខក-ច1X2089
-ម៉ូតូC125ពណ៍ក្រហមគ្មានស្លាកលេខ
សមត្ថកិច្ចបានឲ្យដឹងថា នៅថ្ងៃ ខែ ឆ្នាំខាងលើ ជនរងគ្រោះកំពង់អង្គុយហូបការហ្វេផ្ទះល្វែកន្លែងកើតហេតុខាងលើក៏មានជនសង្ស័យ១ក្រុមជិះម៉ូតូ៥-៦គ្រឿងមានគ្នា១២នាក់ប្រដាប់ដោយកាំបិតតាំងតោ+ដាវ+ច្រវ៉ាក់បានចុះពីលើម៉ូតូដេញកាប់ជនរងគ្រោះបណ្តាលឲ្យរងរបួសក្បាលនិងខ្នងត្រូវជាទំងន់រួចក៏ក្រុមគ្រួសារបញ្ជូនទៅមន្ទីរពេទ្យកាលម៉ែត្រ ជនសង្ស័យក៏គេចខ្លួនបាត់អស់។

បន្ទាប់ពីទទួលបានសភាពការណ៍ខាងលើភ្លាម កំលាំងជំនាញខណ្ឌ និងប៉ុស្ត៍ បើកការស្រាវជ្រាវ ឈានទៅឃាត់ខ្លួនជនសង្ស័យ ៩នាក់ នៅចំនុចបន្ទប់ជួលលេខ៨ ភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ នៅថ្ងៃទី២៩ ខែវិច្ឆិកា ឆ្នាំ២០២១ វេលាម៉ោង២”០០នាទីយប់ ។ បច្ចុប្បន្នក្រុមជនដៃដល់ បានកំពុងឃុំខ្លូននៅអធិការដ្ឋានខណ្ឌ ដើម្បីស្រាវជ្រាវរកបក្ខពួកបន្ថែម និងកសាងសំណុំរឿងបញ្ជូនតាមនិតិវិធី ៕