អគ្គីភ័យបំផ្លាញ ផ្ទះអ្នកច្បារអំពៅទី១ ម៉ដ្ឋល្ងាចមិញ..!

ភ្នំពេញ៖កាលពីល្ងាចថ្ងៃទី 3 ខែធ្នូឆ្នាំ 2021 នេះដោយមានករណីអគ្គីភ័យ កើតឡើងនៅភូមិដើមអំពិល សង្កាត់ច្បារអំពៅទី1 ខណ្ឌច្បារអំពៅ ពោលគឺនៅជិតសាលាបឋមសិក្សាច្បារអំពៅទី១ បណ្ដាលឲ្យឆេះផ្ទះ អស់ចំនួន 2 ខ្នង ដែល01ខ្នង សង់អំពីថ្មក្រោមឈើលើ និង មួយខ្នងទៀតផ្ទះទាមធ្វើអំពីស័ង្កសី ។

ខណៈនោះដោយមានការអន្តរាគមន៍ ពីកម្លាំងសមត្ថកិច្ចរថយន្តពន្លត់អគ្គិភ័យ និង អាជ្ញធរមូលដ្ឋាន សង្កាត់ច្បារអំពៅទី១រួមជាមួយ បងប្អូនប្រជាពលរដ្ឋ ទើបអគ្គីភ័យនេះត្រូវបានរលត់ទៅវិញទាំងស្រុង នៅល្ងាចថ្ងៃដដែលដោយបណ្ដាល ឲ្យខូចខាតទ្រព្យសម្បត្តិជាច្រើន តែពុំមានរងរបួស រឺគ្រោះថ្នាក់ដល់អាយុជីវិតម្ចាស់ផ្ទះ និង បងប្អូនជិតខាងឡើយ ។

ក្នុងនាមអាជ្ញាធរសង្កាត់ច្បារអំពៅទី១ ដោយសូមធ្វើការក្រែនរំលឹក ទៅដល់បងប្អូនប្រជាជនក្នុងមូលដ្ឋាន សូមមានការប្រុងប្រយ័ត្នខ្ពស់ ព្រោះនៅពេលនេះគឺឈានចូលដល់ រដូវរងាអាកាសធាតុត្រជាក់ធ្លាក់ខ្យល់មក ពីទិសខាងជើងចឹងអ្វីៗអាចកើតឡើងដោយយថាហេតុ ប្រសិនបើយើងមានការធ្វេសប្រហែសនោះ ដូចនេះដើម្បី រួចផុតពីហេតុចៃដន់ផ្សេងៗ ត្រូវប្រុងប្រយ័ត្នជានិច្ច៕