រដ្ឋបាលខណ្ឌកំបូល បើវគ្គបណ្តុះបណ្តាល ដើម្បីពង្រឹងសមត្ថភាព មន្ត្រីនៅរដ្ឋបាលខណ្ឌឲ្យតែប្រសើរ

ភ្នំពេញ៖អនុវត្តតាមការផ្តួចផ្តើមគំនិតដ៏ខ្ពង់ខ្ពស់របស់ លោក ឃួង ស្រេង អភិបាលរាជធានីភ្នំពេញ ដើម្បីពង្រឹងសមត្ថភាពមន្ត្រីនៅរដ្ឋបាលខណ្ឌ ឲ្យតែប្រសើរ នៅព្រឹកថ្ងៃទី១៤ ខែធ្នូ ឆ្នាំ២០២១ រដ្ឋបាលខណ្ឌកំបូល បានសហការជាមួយទីចាត់ការ គ្រប់គ្រងធនធានមនុស្សរដ្ឋបាលរាជធានីភ្នំពេញ រៀបចំវគ្គបណ្តុះបណ្តាល រំលឹកឡើងវិញស្តីពីកិច្ចការរដ្ឋបាលខណ្ឌ ជូនដល់គណៈនាយក លោក លោកស្រីប្រធាន អនុប្រធានការិយាល័យ និងមន្រ្តីរាជការ មន្ត្រីជាប់កិច្ចសន្យា នៃរដ្ឋបាលខណ្ឌកំបូល ដែលពិធីនេះប្រព្រឹត្តទៅក្រោមអធិបតីភាព លោក ហោ វាសនា អភិបាលរងខណ្ឌ តំណាងលោក ឃឹម ស៊ុនសូដា អភិបាលខណ្ឌកំបូល និងលោក ញ៉ែម គឹមអាង នាយករងទីចាត់ការគ្រប់គ្រងធនធានមនុស្ស តំណាងលោក ឃុន វណ្ណា នាយកទីចាត់ការគ្រប់គ្រងធនធានមនុស្សរដ្ឋបាលរាជធានីភ្នំពេញ៕